Ertzaintzaren uniforme berriak, txapelik gabe?
Ertzaintzak 2010ean estreinatuko dituen uniformeen argazki hau agertu da El Diario Vasco egunkarian. Txapelik gabeko uniforme berria ageri da bertan. Euskal polizien janzkeraren identitate-elementu historiko bat da txapela.
Argazkiak.org | Txapel gorridun ertzainak Vaya Semanitan © cc-by-sa: sustatu
Azkenaldian eztabaida bizi-bizi dago Ertzaintzaren uniformeak direla-eta:
- Hasi zen Josu Erkoreka esaten Ertzaintzak Ikurri�a kenduko zuela uniformetik.
- Ikurriña kendu ez, baina Balzak erositako E gotikodun Ikurri�ak kentzea erabaki du Aresek "homologatuta ez daudelako". "Ikurriña berrien prezioa, 15.000 euro":http://www.elmundo.es/elmundo/2009/11/18/paisvasco/1258546121.html.
- Ikurri�a kendu ez, baina txapela fuera, El Diario Vascoko irudi honetan ikusi dugunez.
- ELA eta ERNE sindikatuek bisera gehitzea eskatu dute, baina ez txapela kentzea
Ez dugu erreferentzia argiagorik aurkitu txapela mantenduko duten ala ez. Nafarroako Foruzaingoak badarabil eta EAEko probientzietako Foru polizien erreferentzia hauek daude Euskal Poliziaren Museoan, euskal polizien baitak txapelaren historikotasuna agerian uzten dutenak:
Irudi libreen bila sarean, beltzak ugari, baina txapelaz jantzitako ertzainik ez dugu aurkitu. Youtuben Vaya Semanitako zenbait bideotan ikusten da Ertzaintzaren gaur egungo uniformea.
Beste honetan, desagertzear dagoen uniformearen beste elementu bat: parka gorria.
Argazkiak.org | Ertzainak Vaya Semanitan: txapela eta parka © cc-by-sa: sustatu
Estandarizazio europarra
Badirudi txapelaren ordez bisera jartzea Europako beste poliziekin batera gauzatzen ari diren estandarizazio prozesu baten baitan hartu izana. Azkenaldian Ertzaintzaren autoetan Polizia ere jartzen du. Estandarizazio prozesu horrek ekidin nahi du atzerritik datorren norbaitek polizia eta segurtasun enpresa bateko langileak nahasteko aukera, adibidez.
Belarritakoak eta ilea Espainiako polizian
Espainiako Gobernuko Barne Ministerioa ere neurri batzuk planteatzen ari da Espainiako Poliziaren itxurari dagokionez: makilajea, ilea, bizarra eta belarritakoen erabilera mugatu nahi ditu, eta modu desberdinean gizon eta emakumeentzat. Adibidez, neurriak aurrera egiten badu, emakumeek ezingo dute belarri-gingila baino belarritako handiagorik erabili. Gizonei, aldiz, belarritako oro debekatu nahi die Barne Ministerioak.
Erantzunak
Txapela euskalduntasunaren ikurra bada, hobe kaskamotz, bisera eta pasamontaña, orain bezalaxe. Euskaldunik ez den talde edo banda batek zertarako txapelik? Bertako nagusi batek, eta beste batek, eta hurrengoak... Ertzantza ahozkatzen ez badaki, ze txapel eta ze txepel?
Trikornioa, egokiagoa.
España una, grande, libre y uniforme. Beste urrats bat euskal identitatea ezabatzeko