Mikel Jackson omentzeko jaia, Bilboko Rockstar aretoan
Michael Jacksonen kantuen bertsioak joko dituzte Euskal Herriko hainbat taldek azaroaren 5ean, Bilboko Rockstar aretoan poparen erregea omentzeko egingo duten jaialdian. Ikusgarria ekitaldia promozionatzeko diseinatu duten kartela:
Jatorrizkoa: Promoziokoa: Rock Star
Takilan 12 euro balioko du sarrerak, baina aurretik 10 eurotan erosteko aukera dago honako tokietan: Zarata Jazz (Santutxu), Muga (Alde Zaharra), New Rumm (Indautxu), Izangoan (Deusto). Ekitaldia azaroaren 5ean izango da, arratsaldeko 7etatik aurrera Bilboko Rockstar aretoan (Gran Vía 89).
Foro batean parte hartuko duten taldeen errepaso bat aurkitu dugu gazteleraz. Jacksonen bertsioak egingo dituzten taldeak hauek dira:
- The Cherry Boppers
- Zea Mays
- Moha
- Er-Gene
- Stropajo
- Akatz
- Positiva
- Sr Lagarto
- Ya Te Digo
- DJ he
- The Flying Cat
Ekitaldi honen deialdia Facebooken ere badago. Kartel osoa argazkiak.org-en.
Erantzunak
Kartel zoragarri horretan arreta deitu didan beste kontu bat da aukeraturiko Letra vasca tipografia sendo eta kontundente hori. Tipo hori, zenbat eta gizenago, orduan eta euskaldunago...
Facebook-en komentatu dut horixe bera eta lagun batek iruzkina bota dit:
Badakizu euskaldunak ez garela gizentzen, mejoratu baino; letrarekin berdin, mejoratu nahi denean gizendu besterik ez da egin behar!
Gaur egungo iruditeria kreatiboaren parte handi bat ez da lan orijinala, nahasketa baizik, remix-aren kontzeptua.
Beste adibide bat, gaur beste txantxa honen berri jaso dut, Alcorcón 2009 Tengo una golazonada. Madrid 2016 hautagaitza olinpikoaren ondoren, txantxa bat Alcorcon taldeak Real Madridi 4-0 irabazi ziolako.
Batean edo bestean, irudimena aplikatzen zaie copyrightak legalki babesten dituen irudiei. Legetik kanpo, edo legearen ertzetan. Baina hor dago sormena.