Teknofiloen albistegia
5

Badirudi RTVEk gertatu aurretik eman duela polizia-operazio baten berri

Erabiltzailearen aurpegia
Sustatu
2009-10-28 : 13:10

Berrian eta Eitb.com-en irakurri dugu Joseba Agudo abokatuaren bulegoa miatzen ari dela Goardia Zibila. Lehenak dio 10:10 inguruan hasi dela miaketa, eta bigarrenak 10:30ak inguruan. Baina RTVEk Agudo atxilotu egin dutela esan du, eta badirudi operazioa hasi aurretik eman duela albistea. Googleren katxean goizeko 9:15etan argitaratu dutela dirudi.

Hemen ikusten denez 09:15etan argitaratu dute albistea:


Argazkiak.org | Joseba Agudo atxilotu dutela dio RTVEk © cc-by-sa: sustatu

RTVEk esan du Joseba Agudo abokatua atxilotu duela Goardia Zibilak, baina Askatasuna.org-en irakurri dugunez, momentuz behintzat ez da egia Agudo atxilotu dutenik. RTVEk ezabatu egin du albistea, baina Googlek ez du barkatzen eta katxean irakurri dezakegu. Zabaldun diotenagatik badirudi operazioa hasi baino lehenago eman dutela albistea rtve.es-en. Hasierako albistea ezabatu eta beste bat publikatu dute miaketaren berri emanez, baina atxiloketaren aipurik ez.

Erantzunak

Sustatu
2009-10-28 : 15:48

ETB1eko 14.00etako albistegian esan dutenez, operazioan oraingoz ez dago atxiloturik, eta Joseba Agudoren Errenteriako bulegoaren miaketan ez dago Agudo abokatua ere.


RTVEren goizeko titularrari erreparatuta, operazioaren berri garaiz aurretik emateaz gain, operazioaren emaitza jakin bat asmatu ere egin dute: Agudo ez zegoen atxilotuta 9.15etan, ezta 14.00etan EITBren arabera.


metaltrainer
2009-10-28 : 18:50

Ez dakit zertaz harritzen garen. Aurretik ere erredaktatu genitzazke gutako edonork:



-Ministroaren prentsa oharra



-Epailearen akusazioak



-Alderdi bakoitzaren deklarazioak



-Elkartasun manifestazioetan irakurriko diren testuak



-Medio bakoitzak esango duena



eta abar.



Noiz bukatuko da hau dena? asper-asper eginda gaude!

Eneko
2009-10-28 : 23:46

Atxilotu omen dute gaur arratsaldean Hendaian.


Berrian :


"Joseba Agudo abokatua atxilotu du gaur Frantziako Poliziak, Hendaian (Lapurdi), Efe Espainiako berri agentziak 20:00etako teletipoan esan duenez. Hendaian bizi da abokatua."


Zergapekoa
2009-10-29 : 12:48

Asper-asper eginda ez ezik, amorrazioz beterik.

Goizeko ordu txikietan atxiloketak egin eta, hantxe dira EFE, Vocento eta (hilaren bukaerara iristeko familia asko gauza ez den honetan, espekulazioaren oihartzuna aditzen hasi den honetan, ustelkeriaz kezkatzen hasi beharko ginatekeen honetan, lan-istripuz astero pare bat langilek bizia galtzen duten honetan, gizonak "bere" andrea asasinatzen segitzne duen honetan, legalizatutako drogen merkatua sekula baino oparoago bizi den honetan...) ikara hedatzen, harrotzen duten banda horietako agenteak, kamera, mikrofono eta guzti, zein hedabidek lehentasuna hartu eta dolar gehien irabaziko.



"Terrorismo" delako hori negozio on-ona izan baita berrogei urte honetan kalamidade mediokre eta distiratsu askorentzat. Galdetu, bestela, telebistako zuzendari berri horri, zergatik jarri zuen Gabilondo lagun onak postu horretan.

Sustatu
2009-11-03 : 17:16

Konfidentzial espainol batzuen arabera Entzutegi Mazionaleko epaile Fernando Grande-Marlaskak azalpenak eskatu dizkio RTVEri, aldez aurretik zabaldutako albisteagatik.


Erantzun

Twitter ikonoa  Facebook ikonoa  Sartu