Kartela euskaraz "Física o química" telesailean
Antena 3 kateko Física o Química telesailean kartel bat agertu da euskaraz:
Homofobia oso kaltegarria da gizarterako baina batez ere hori jasaten duen homofoboarentzat
Markel Anasagastik detektatu eta Facebookera igo du irudia, eta bertatik ekarri dugu hona.
Argazkiak.org | Alex Barahona (Berto) eta kartela © cc-by-sa: sustatu
Kartela Espainiako Gazteria Institutuaren 2007ko kanpaina batekoa da, intolerantziaren kontrakoa.
- Gazte disgaituak gizarteratzearen alde
- Homofobiaren aurka
- Arrazismoaren kontra
Kanpaina hainbat formatutan egin zuten. Kartelez gain, bazegoen webgune bat: intolerantesanonimos.org, baina domeinua beste batzuek dute orain. Telebistarako spot batzuk ere egin zituzten:
Erantzunak
eta ez da lehenengo aldia. "Los Serrano" telesailan Euskal Herriko mapa bat agertzen zen eskolako iragarki taula batean.
Lotura utzi dut, ez dakit nik igotzen.
http://img293.imageshack.us/i/euskalserranopm6.jpg/
Eta harrigarrienea, baina tamalez frogarik ez dut duela hilabete pare bat, Antena Tres-en "prime timean", gazte solidarioei buruzko erreportaje batean, protagonistetako bat (zahar etxe batera laguntzera joaten zen neska katalandarra) "Independentzia" zioen kamiseta batekin agertzen zen (Bai, kamiseta gorri famatua, Independentzia" letra oso handiz duena, Euskal Herriko gazte erakunde batena) eta ez zen minutu bateko kontua izan, denbora dezente egon zen neska pantailan.
Ez dakit nik hau komentatzeko berria den. Benetan diotsuet, harrigarria egiten zait hau notizia izatea.
Euskararen eta euskaldunen presentzia erdal hedabideetan hain garrantzitsua al da??
Gainera Fisika y Quimica eta Los Serrano bezalako tesail horietan ateratzeak ez dakit eragin handia izango duen ikusleengan, ikusita zeintzuk diren ikusleak.
Ongi, Silizio, beste munduko gauzarik ez da, gauza bitxia, denbora pasatzekoa. Argi dago ikusleengan ez duela inolako eraginik . Apenas ikusten ez den ezagutzen ez duzun hizkuntza batean dagoen kartela. Argi dago honekin ez dugula (dutela) euskara normalizatzen, ezta gure auzokide espainarren artean euskarareriko errespetu/interesa pizten ere. Anekdota bat da, "atrezzo" (horrela deitzen da?) egiten duen taldean euskaldun bat egongo da, eta auskalo zergatik kartela paratu du.
Lagun batek dio normala dela ETBk audientzia galtzea, hobeto portatzen zaigula Antena3...