#iGaur Internet Gaur gaia hartuta abiatzen da irratia.com 09/10 ikasturtea
Aspaldi jada, 2000. urte hartan azaroaren lehenean martxan jarri genuenetik, hamaika saio egin ditugu honezkero. Gaur beste bat abiatzen da. Betiko gogo horrekin, sintonia entzun eta beti zerbait ezberdina egin nahian edo. Internet, irratigintza eta egungo euskal kultura uztartu nahian egiten dugun e-mankizuna. Gaur abiatuko dugu irratia.com denboraldi berria, 09/10 alegia. Urrian, aspaldiko urririk hotzenean.
Egun aproposa? ez dakigu.
Hemendik aurrera irratia.com astelehen arratsaldetan egitea pentsatu dugu... eta horrela egingo dugu astero.
Gaurkoan, Internet GAUR izenburudun saioa izango da. Eta horretarako, batipat sare sozialetan dabiltzanei abisua: #iGaur etiketa erabili eta baliatuko dugu.
Entzun nahi baduzu, partehartzeko modua ere izango da. twitter, facebook... eta tresna guztiak martxan jarri orduan. Irratia.com sarean egiten dugun irratsaio eta emankizun multimedia bat da. Sarean entzun dezakezu noiznahi, eta gura duzun lekutik. Hemendik aurrera, aste osoa duzu horretarako.
gaia: INternet GAUR zuk ere parte hartzea nahi genuke.
tag proposamena: #iGaur
Gogoratu, hemendik aurrera astelehenero, arratsaldeko 18:00etan: irratia.com
zabaldu mezua zure lagunen artean, ea ondorioren batera iristen garen, guztion artean.
Erantzunak
Saioa egin, erabiltzaileekin batera egin ere eta dagoeneko sarean da zintzilik. Entzun gura baduzu erraz daukazu. Rss bidez gorde eta edonon entzungo duzu, hainbat lagunek munduan zehar egiten duten bezala.
Hasi dira. Entzuteko errazena ez da Irratia.com-era jotzea, baizik eta Bilbohiria.com gunera jo, eta aldameneko zutabeko jogailuari sakatu. Lehen baino errazago, izatez.