Zapateroren alaben argazkiaren eztanda sarean
Rodriguez Zapaterok ez zuen nahi prentsan bere 14 eta 16 urteko alaben argazkirik azaltzea, eta orain arte horrela izan da. Espainiko Gobernuko presidentearen azken bidaia ofizialean, baina, alabak eraman ditu, eta horrek eztabaida sortu du. Baina oraingoak hautsak harrotu ditu du: bere alaben argazki bat sare osoan zehar barraiatzen ari da azken orduotan, Twitterren besteak beste.
Ikusten denez, gotiko itxurako nerabe-modan daude Zapateroren bi alabak. Facebooken Las hijas goticas de Zapatero orria bezalakoak sortu dituzte, alaben zale egiteko. Montajeak ere, biderkatzen ari dira sarean, Gorka Limotxok igo duena bezala.
Argazkiaren nondik norakoak El Mundok kontatu ditu. Ez zegoen argi argazkia ala montajea zen, baina badirudi Moncloako erreakzioek erakusten dute baietz.
Obamaren Gobernuak Flickr kontu batean kargatzen ditu bisiten argazkiak, baina Espainiako presidentearen familiarena ezabatu egin dute.
Erantzunak
Uste dut kontu honetan gauza dexente nahasten direla. Ez da gauza bera:
- Adin txikikoen babesa
- Argazkiak debekatzea
Batzuen iritziz, jolas-parke batean argazkia ateratzen baduzu, Interneten jarri aurretik bertako ume guztien guraso edo tutoreen baimen idatzia lortu behar da. Hori pitokeria bat da.
Rodriguez Zapatero, noski, pitokeria horien aldeko santujale bat besterik ez da. Uste zuen alaben argazkiak debekatzea zela onena, eta behin bat eskapatuta, hura kendu nahian ibiltzea... Prentsaurrean ikusi dut, "adin txikikoak dira" errepikatuz, traza gehiago du bere alabez lotsatzen den inozoarena, beste ezerrena baino. Zapatero eta santujaleen tesiekin, adin txikikoen argazkirik ez legoke sarean. Eta Cartier Bressonentzat, pleitoa.
Gainera, Zapatero kontu honetan horren temati eta harro agertzeak ez dio orain, filtrazioaren garaian, bereziki lagundu alabei. Bi neskatoak bistan edukitzeagatik, Obama aita okerra ote? edo Sasha eta Maliaren intimitatea arriskuan ote dago? Ez, hemen ez gara ari bi nereberen eskubideez... izatekotan, guraso baten eskubideez.
Beste kontua da esfera publikoa, pribatua... Nongoa den irudi bat. Hemen, honezkero, beste faktore bat dago:
- esfera publikoa
- esfera pribatua
- Interneteko folklorea
Bi neskato hauek hirugarren fase horretan daude jada. Ez dira xelebrekeriengatik Interneten ezagunak egin diren lehen nerabeak.
Eta ez dira azkenak izango. Neskatoek egin dezaketen onena da tunika beltzaren aldarrikapena egin, eta ze demontre: Otaku bat naiz eta harro nago. Eta aitari ez bazaio itxura hori gustatzen, hor konpon.
Egia esateko, ezer gutxi inporta zaizkit niri ZPren alabak, Sarkozyrenak inporta ez zaizkidan bezala.
Argazkiaren kontua eztabaidagarria izan daiteke. Alegia, gaztetxoak bizitza publikotik at mantendu nahi baditu horrelako ekitaldi ofizial batera eramatea ez dirudi oso ekintza inteligentea denik. Eta gaur egun argazki horiek zirkulaziotik atera nahi izatea ere, inozokeria dela uste dut.
Baina benetan lekuz kanpokoak iruditzen zaizkidanak neskato horien itxura eta janzkeraren gaineko komentarioak dira. Hortik zehar irakurri dut Obama ezagutu nahi bazuten kanon jakin batean kokatutako jantziak eraman behar zituztela eta ez dakit zer gehiago. Hori bai tontakeria galanta.
Zentzu horretan, bat egiten dut, guztiz, gai honen inguruan "El Mundo-n" irakurri dudan artikulu honekin.