Teknologia albisteak

Carod Roviraren hitzaldia ostegunean, Ezkerraberri fundazioak gonbidatuta

Ezkerraberri fundazioa

2009-09-15 : 16:09

Aralarrek sortu berri duen Ezkerraberri Fundazioak hasiera indartsua emango dio bere ibilbideari. Josep Lluis Carod Rovira Kataluniako presidenteordea ekarriko du gure artera, abertzaletasuren orainaz, eta batez ere, balizko geroaz jarduteko. Hurrengo ostegunean izango da hitzaldia, irailak 17, arratsaldeko 19:30ean, Donostiako Miramar jauregian. Sarrera doakoa da.

Carod Rovirak Ezkerraberri Fundazioari aurreratu dionez, 'Abertzaletasunetik aberrira, abertzaletasunaren esentzialismotik eraikuntza nazionalera' izenburuko bere hitzaldian Kataluniako abertzaletasunaren erronka berrietaz jardungo du. Kataluniako nazio eraikuntzaren proiektura pertsona berriak heldu dira, eta horien aldarrikapenak ez dira arrazoi historikoetan bakarrik oinarritzen. Gizarteko sektore berri horiek abertzaletasunaren proiektura nola, zergatik eta zertarako erakarri behar diren azalduko du Carod Rovirak.