Mintzola Fundazioak administratzailea behar du

Fundazioaren azalpena

Mintzola Fundazioa 2008an sortua zen, bost erakundek osaturik: Gipuzkoako Foru Aldundiak, Villabonako Udalak, Euskal Herriko Bertsozale Elkarteak, Euskal Herriko Unibertsitateak eta Gipuzkoako Kutxak. Helburuak ditu, alde batetik, euskararen ahozko tradizioaren behatoki dinamikoa izatea; eta bestetik, gizarteak ahozko komunikazioaren esparruan dituen premiei erantzun egokia ematea.

Eginkizunak

Fundazioak administratzailea kontratatzeko hautapen prozesua zabaldu du Mintzolaren administrazio eta idazkaritza lanak gauza ditzan. Administratzaile edo kudeatzailearen eginkizuna izango da Mintzola Fundazioaren zuzendariari laguntzea idazkaritza, kudeaketa, administrazio eta komunikazio arloetan, besteak beste:

• Erakunde zein pertsona fisikoekin askotariko egitasmoak bideratzen: jardunaldiak, mintegiak, ekitaldiak, ikastaroak, etab.
• Administrazio lanak gauzatzen: idazkaritza, etxearen antolaketa, kontabilitatea, kontratazioa zein lan arloa, batez ere.
• Komunikazio plana garatu eta bitartekoetan esku hartzen: webgunea, komunikazio orria eta gisakoak.

Nahitaezko baldintzak

Mintzola Fundazioaren administratzailea kontratatzeko hautapen prozesuan partaide izateko nahitaezko baldintzak dira:

• Unibertsitateko gradu titulu baten jabe izatea.
• Euskaraz eta gaztelaniaz maila jasoa izatea, bai ahoz bai idatziz.

Baloratzeko alderdiak

Eskatzen diren baldintzak betetzen dituzten hautagaietan, alderdi hauek baloratuko dira:

• Kudeaketa eta administrazio esparruko ikasketak eta esperientzia.
• Harremanetarako eta talde lanerako egokitasuna.
• Euskara eta kulturgintza alorrean izandako esperientzia.
• Informazio eta komunikazio teknologiak baliatzeko trebetasuna.
• Nazioarteko harremanetarako hirugarren hizkuntza batean maila instrumentalean moldatzea (bereziki frantsesez edota ingelesez).

Zer eskaintzen du Mintzola Fundazioak?

Hautapen prozesu honen bitartez bete nahi den lanposturako eskaintzen dira:

• Iraupen mugagabeko lan kontratua.
• Urteko lansari negoziagarria, hautagaiaren balioen eta esperientziaren arabera.

Eskaerak aurkeztea

Hautapen prozesuan partaide izateko, Curriculum Vitae-a bidali behar dute hautagaiek, 2009ko urriaren 2a baino lehenago, baloratuko diren esparruen azalpen zehatza eginez, ondorengo helbidera:

• Posta elektronikoz: mintzola abildua mintzola.com
• Posta arruntez: Mintzola Fundazioa, Subijana Etxea. Kale Nagusia 70, 20150 Villabona (Gipuzkoa).