Teknologia albisteak
A gripeaz informatzeko webgune ofizialak
Sustatu
2009-09-01 : 16:09
Espainiako Gobernuak eta Eusko Jaurlaritzak A gripeaz informatzeko webguneak ireki dituzte gaur. Espainiako Gobernuarena gaztelania hutsez dago, baina informazioko PDF batzuk beste zenbait hizkuntzatan ere jarri dituzte, eta irratirako iragarki hau ere euskaratu dute:
Iragarkiaren lokuzioa apur bat bitxia da, baina tira. Espainiako Gobernuaren Informaciongripea.es webgunetik lortu dugu audio klip hori, eta baita honako informazio orria ere:
Eusko Jaurlaritzaren webgunea Osanet atariaren barruan dago. Informazio telefono bat ere ireki da gaur, zeinean 11 hizkuntzatan erantzungo omen ditu Osakidetzak gripeari buruzko zalantzak.
Eta zeinek egin du bikoizketa? Gizonezko batek ala makina batek? Pertsona batek egin badu,ez da euskalduna, ez horixe! Hainbeste kostatzen da gauzak ganoraz egitea? Iragarki guztiekin haserretu behar ote dugu? Ni higuinduta nago. Ez digute inolako errespeturik!