Champions League ETB2n eta gaztelaniaz?
Espainiako Forta federazioko telebista autonomikoek akordioa lortu dute aurten Champions League-eko Europako futbol partiduak asteazkenetan 20.45etan emateko euren kateetan. Baita ETBn ere, eta gainera bi lehenak abuztuan dira baina oraindik ez da jakinarazi zein partidu zehatz eta noiz. Hala ere, ez dagoena argi da zein hizkuntzatan emango dituzten. EAJk eskatu dio EITBko zuzendari Alberto Suriori futbola orain arte bezala euskaraz eman dezatela ETB1en. Agian ETB2n gaztelaniaz emateko planak daude? EITBren oharrak ez du aipatzen kate edo hizkuntza zehatzik. Baina ez dugu asko beharko jakiteko: oker ez bagaude, lehen partida etzi asteazkenez emango dute.
Eguneraketa, asteartea. Susmoak, okerrak. Euskaraz eta ETB1en izango dira bai partidak eta bai programa bereziak.
Champions ligako 17 partida emango ditu ETBk, datorren urteko maiatzaren 22an Madrilen jokatuko den finala barne. Hauez gain, Europako Superkopako finala emango da, eta hauxe da ziurtaturiko lehen neurketa, abuztuaren 28an jokatuko baitute Monakon FC Barcelona eta Xakhtar Donetsk talde ukrainarrak. Baina nola abuztuko sailkapen faseko beste bi partida ere eman behar dituzten, asteazken honetan eta hurrengoan tokatzen dira horiek.
Asteazkenetako partidak 20:45etan emango dituzte. Horrez gainera, txapelketako laburpenak ere emango ditu astearte eta asteazkenetan. Halaber, astero beste saio berezi bat ere egongo omen da. Hauen hizkuntza eta kateaz ere ez du informatzen EITBren oharrak, baina kasu honetan ez da sorpresa izango gaztelaniaz eta ETB2n badira, honetan aurrekariak aspaldikoak baitira, El Derbi saioak erakusten duen bezala.
Erantzunak
Zergatik ez ETB2n eta euskaraz? Talde españolez partidak emango dituzte, beraz nahi duenak irratia baliatu dezake españolez entzuteko.
Aurten ETB kirol asko eman behar dituzte (Baskonia, Bilbao Bastet, Athletic UEFAn eta Champions League) denak ETB1n ematen badituzte ez da ohiko programaziorako tokirik egongo.
Eta zergatik ez euskaraz eta gazteleraz.
Gogoan izan, LaSexta emana dela liga partiduak 4 hizkuntza (gaztelera, katalana, euskara eta galiziarra) desberdinean aldi berean TDT-ean hizkuntz anitz joan daitezkeelako.
ETB2-ra euskara bidera baliteke, zergatik ez?
Ea horrela ETB2 gutxienez euskaraz dagoeneko bikoiztutako filmak ematen direnean, euskara gehitzen dioten.
Unaik proposatzen duena oso zentzuzkoa da eta ipurdibistan lagako lituzke EiTBren aurreko kudeatzaileen mugak, euskararen babes eta hedakuntzari dagokionean.
Gertatzen dena da Surio PPk ere jarri duela dagoen tokian eta ipurdi bakarrarekin bi zulo ezin daitezkela estali. Sozialistek egingo lukete, agian, irratia baliatzearena futbola entzuteko. baina PPren ikuspuntutik lar dirudi euskarari inongo aurrerabidea emateak.
gobernu ahula, zuzendaritza ahula eta, horrelakoetan, errazena: ezer ez aldatzea. ezerezaren aldaketa da, mapak mapa, lopezek ekarri duena.
Albiste honek zekarren susmoa... okerra izan da. Zalantzarako bide ematen zuten arren detaile hauek:
- EAJk egindako galderak,
- EITBren lehen oharren anbiguotasunak,
- Telebistan eman izan dituzten jingleek (La champions, entzun zitekeen, gaztelaniazko artikuluarekin antza)
Baina azkenean jakinarazi du EITBk partidak euskaraz emango direla ETB1en, eta ez hori bakarrik, programa bereziak ere euskaraz izango dira ETB1en, ez El Derbi-ren estiloan, beraz.
- Champions Gunea programa astearteetan izango da, gaur lehena, 23.25etan.
- Atletico Madril-Panathinaikos, zuzenean bihar asteazkena 20.45etan, baina programa 20.15etan hasiko da eta ondoren ere tertulia eta komentario programa izango da.
- EITB.com-en atal berezia ere badago:
Buenos días.
Beraz berriro ere kirol betekada higuingarria ETB1n. Sozialistekin ez da arazoa konponduko. Lopezek esan zuen ETB1n audientzia datu hobeagoak nahi zituztela eta bai, lortuko dituzte... baina inork uste baldin badu honek euskarari onura emango dionik...
Imajinatzen dut telesailen estreinaldiak eta film onak ETB2n ematen jarraituko dutela.
Un saludo.
Asteazken honetakoa behintzat ETB1ean emango dute. Azpiko iragarki txiki batean hala azaltzen zen zapatuko Reala - Real Madrid partidan.
eitb.com-eko programazioak ere hala dio:
20:20 FUTBOLA:UEFA CHAMPIONS LEAGUEPANATHINAIKOS - AT. MADRIL
22:35 CHAMPIONS GUNEA 09/10