Urtebeteko espetxe-zigorra, Euskotrenen bagoi batean graffitia egiteagatik
Bostehun eta larogeita bat euroko kalte-ordainari eta urtebeteko espetxe-zigorrari aurre egin beharko dio gazte batek, Euskotrenen bagoi batean graffitia egiteagatik. Gertakizuna Eibarko tren geltokian izan zen , 2007ko apirilaren 22an, 18.15etan.
Margotutako trena: Creative Commons Aitortu Partekatu © cc-by-sa: BBoveri
Dokumentu judizialak zehazten duenez, prozesatuak "ondasunari egiten zion kalteaz jabetuta" burutu zuen ekintza. Fiskalak Euskotreni 581 euroko kalte-ordaina ematea eta urtebete espetxean pasatzea eskatu zuen. Prozesatua eskaerarekin konforme agertu zen eta orain espetxera kondenatu dute "gauza publikoan kalteak eragiteagatik".
Kondenatutako gazteaz gain, beste 3 gazte omen zeuden kondenatuarekin, eta identifikatu gabe daude.
Erantzunak kargatzen...
