Michael Jackson hil da
Michael Jackson hil da. Haren bizitza frikismo, exajerazio eta patetismoaren sinonimo izan da sarri, baina ez dago ukatzerik 1980ko hamarkadan musika ikaragarria ere sortu zuela, eta pop musikaren alderdi bisualean ere (koreografia, bideoklipak) marka utzi duela tarte baterako.
Michael Jacksonek 50 urte zituen, eta Kaliforniako bere etxean hil da. Geldiketa kardiakoa, topikoak dioen bezala. Zurrumurruak daude drogaren bat hartu ote zuen. Hiru seme-alaba utzi ditu Jacksonek, aitatasun bitxi samarra batzuen iritziz.
Informazio gehiago, euskarazko Wikipedian.
Erantzunak
Nire gaztetako bi erreferentzia batzen dituen kantua "Beat it". Michael Jackson bera eta Eddie Van Halen gitarristaren solo ederra. Beat it
Tamalez, gustatzen zitzaigun Michael Jackson duela urte asko hil zen. Adibidez ABC zoragarri hau, bere anaiekin batera:
Baina egia esateko, atzo benetan eragin didan heriotza Farrah Fawcett-ena izan da. Bera zen nire Charlieren aingeruetatik gogokoena, agian hilehoria zelako besterik gabe, beste biak ere ez ziren makalak eta!
Hazur Baltzak taldearen horretaz gain, Seiurte talde berriztarrak ere egin izan du bertsiorik.
2007an Durangoko Plateruenan kontzertua eman zuten Durangaldeko hainbat taldek eta bideo-dvd bat ere grabatu zen hartan. Michael Jacksonen bat jo zuen Seiurtek orduko hartan.
Inork pieza horiek topatzen baditu...
Esan dut gorago zein den nire kantu faboritoa... baina remix faboritoarekin ere akordatu naiz. Loo & Placido DJ parea The Clash eta The Jackson Five nahasten, Should I Stay Or Should I Go eta Blame It On the Boogie.
Ireki esteka hau eta sakatu play.
Niri MJ-ren musika ez zait inoiz asko gustatu, baina Black or white bideoarekin flipatu nuen bere garaian, batez ere aurpegien aldaketekin (geroago askotan errepikatu zena).
Joer, ez nuen pentsatzen Sustatun horrenbeste jarraitzaile zuenik! Honen gainean bi aipu egin nahi ditut. Alabaina aldez aurretik bizitzari diodan errespetua argi utzi nahi dut eta pertsona bat hiltzen denean adierazi behar pena zein familiari dolumina luzatzen diet. eta jarraitzaileoi une triste hauetan luzatzen natzaie zera esateko:
Ez egin negarmaitiok, Michael azkenean bere ametsa bete du; GAUR INOIZ BAINO ZURBILAGO dago eta.
Samina eragin badizue ere, pentsa ezazue munduko ume asko gaur lasaiago ibiliko direla.
Goian Bego, espero dut "thriller"en ez bezala bertan gertatzea.
Urte batzuen buruan, gorago aipaturiko Hazurbaltzak taldearen Billie Jean deskubritu dut sarean. Jackson hil zenean ez nuen topatu, akaso bi berba (Hazur Baltzak) bilatzen ibili nintzelako. Oraingoan Gari Garaialde argazkilariak eman dit pista, MySpace-n dago kantua:
https://myspace.com/hazurbaltzak/music/song/billie-jean-64994835-71166110?play=1
Inork gogoratzen du Hazur Baltzak talde ondarrutarraren Billy Jean bertsio zaratoso eta ederra? Ondo legoke gaur hura berreskuratzea!
Sustatu editatzeko pribilejioa izanda, neuk aukeratu dut Smooth Criminal hor goian itsasteko. Nire kantuen top 10 batean duda barik jarriko nuen kantu. Beste kantu edo bideo faboritorik baduzue hortik, bota erantzunetan.