Bisita gidatu bereziak Tabakalerako Look Again erakusketan
Tabakalerak bisita gidatu bereziak antolatu ditu Look Again bideo erakusketan. Datozen bi ostegunetan ikus-entzunezkoen munduko sortzaileen laguntzaz erakusketa beste modu batera ikusteko aukera izango da. Bisita "berezi" hauek ekainaren 11 eta 18an izango dira, arratsaldeko 19:00etan, eta doakoak izango dira.
Joan den ostegunean hasi ziren bisita gidatu "berezi" hauek Lidia Montesino kazetari eta ikus-entzunezkoen sortzailearen eskutik, Tabakaleran ikusgai den Look Again bideo erakusketan. Ostegun honetan, hilak 11, Zuhar Iruretagoiena artista zarauztarraren txanda izango da. Arte Ederretan lizentziatua EHUn, hainbat talde erakusketetan parte hartu du eta zenbait bakarkako erakusketa ere egin ditu. Gainera, sariak eta bekak ere eskuratu ditu arte munduan, horietan azkena 2009ko Ertibil Bizkaia sariketako lehen saria.
Hilaren 18koa izango da bisita "berezi" hauetan azkena, eta Aizpea Goenaga izango da erakusketako gidari lanak egiteaz arduratuko dena. Aktorea, gidoigilea, idazlea, zuzendaria... ezaguna da Aizpea Goenagak jorratu duen ibilbide profesional jori eta polifazetikoa.
Zuharrek nahiz Aizpeak euren lan munduari eta interes pertsonalei loturiko ikuspegia eskainiko diete inguratzen direnei, Look Again berriz begiratzera eta beste modu batera begiratzera gonbidatuz.
Bisitei buruzko informazio gehiago nahi izanez gero deitu zenbaki honetara: 620 676 095
Bideo garaikidearen bost ikuspegi
Filipa César, Marine Hugonnier, Rosalind Nashashibi, Anri Sala eta Rui Toscano
Ekainaren 21a arte
Asteartetik ostiralera: 17:00 - 20:00
Asteburuetan: 11:00 - 14:00 / 17:00 - 20:00
Sarrera doan
TABAKALERA. Mandasko dukea 52, Donostia
Ostegunean, hilak 18, arratsaldeko 19:00etan, Aizpea Goenagak bisita bat gidatuko du Tabakalerako Look Again erakusketan. Hau izango da erakusketaren harira antolatu diren bisita gidatu "berezi" hauetan azkena.Look Again bideo erakusketa datorren igandera arte, ekainak 21, ikusgai izango da Tabakaleran.
Biarrizko ikus-entzunezkoen eskolako ikasleak Look Again-era egindako bisitan
Aurreko asteetan Zuhar Iruretagoienak eta Lidia Montesinok gidatu dituzte bisitariak erakusketako bideoetan barna, eta eurena izan da Look Again-en gainean beste begirada batzuk eskaintzeko ardura, bakoitzak bere lan munduari eta interes pertsonalei loturiko ikuspegia emanez.
Ekainaren 18an Aizpea Goenaga izango da erakusketako gidari lanak egiteaz arduratuko dena. Aktorea, gidoigilea, idazlea, zuzendaria ezaguna da Aizpea Goenagak jorratu duen ibilbide profesional jori eta polifazetikoa.
Bisita arratsaldeko 19:00etan hasiko da, euskaraz izango da eta doakoa izango da. Bisita gidatuei buruzko argibide gehiago: 620 676 095
Look Again erakusketa jada sartu da azken txanpan, eta datorren igandean, hilak 21, itxiko ditu ateak. Asteburu honetan izango da beraz, Filipa Cesar, Marine Hugonnier, Rosalind Nashashibi, Anri Sala eta Rui Toscanoren lanak azken aukera.