Eta zuk, zer dakizu navajoez?

Vanessa Smichtt irakaslea Arizonako Black Mesako erreserban hazitako emakume navajoa da. Historian lizentziatua da, Hezkuntza Multikulturalean masterra eta doktore tesia egiten ari da jatorrizko amerikarren literaturaz Salamancako Unibertsitateko Ingeles Filologiako departamentuan.

Schmitt irakasleak Navajo herri zaharraren kultura eta historiari buruzko hainbat datu jakingarri aurkeztuko ditu, ikus-entzunezko baliabideen laguntzaz: kosmogonia, artea, errituak, gizartea, navajoen historiako pasarte erabakigarriak… Hitzaldiaren amaieran parada izango da navajo kulturako zenbait artelan eta liburu bertatik bertara ikusteko. Hitzaldia ingelesez izango da baina itzultzailea egongo da.

Zenbat aldiz sortuko zaizu halako aukera bat?