Jaurlaritzak Alberto Surio proposatuko du EITBko zuzendaritzarako

Analista politiko bezala erakusten duen trebezia erakusten badu, jai dago EiTBn.

Euskalduna ez bada ez dago postu horretarako prestatua, kitto, ez dago besterik. Gidatu behar duen telebista ulertzeko ez da gai ere. Alemaniako telebista gidatzeko alemanieraz dakien norbait jartzen dute beti, eta berdin munduko leku guztietan.

Aurrekariak badaude, Zaldieroa. Ez agian Alemanian, gertuago baizik. Jose Maria Gorordo erdaldun hutsa izan zen zuzendari. Eta Andoni Ortuondo ere, karguan izan zen bitartean, euskaraz apurtxo bat trebatu zela esango nuke, baina izendatu zutenean
euskalduntzat hartzea zaila.

Edozein modutan, Txosten eta Emendakiñaren salaketa zuzen bati funtsezkoa deritzot une erabakigarri honetan.

Zuzendari Orokorra behar du EITBk?



Ia urte eta erdi darama EiTB zuzendarik gabe. Berdin edo antzera funtzionatzen du.

Luistxo: Andoni Ortuondo? Josu Ortuondo eta Andoni Ortuzarren arteko batuketa? Izan ere, biak aritu ziren postu horretan. Oker ez banago Josuk euskaraz badaki; Andoni saiatzen da euskaraz irakurtzen badakiela erakusten.

Andoni Areizaga izan zan lehen zuzendari nagusia.

Gero Gorordo. Josu Ortuondo ondoren, Iñaki Zarraoa eta azkenekoa Andoni Ortuzar.

Andoni Ortuzarrek badaki euskeraz, aurrez-aurrekoetan baita ere. Testu barik ere, alegia. Aspalditik gainera.

Konforme. Bakarren batek ez zekien, gehientsuenek bai. Eta abertzale sutsuak ziren, etc. Horregatik gozatu dugu gaur arte ETB1 mundual erakargarri liluragarria: egunero sei bat orduz marrazki bizidunak, Mr Bean (errepikatuta, inoiz, gure irudipenez) dantza sueltoko txapelketak, kamera bakarreko pastoralak, Ribaforadako bakillak, Haur Danborrada bukaezinak, meza santua eta bihotzekoak eragiteko beste makina bat saio liluragarri. Produkzio propiokorik, apenas. Lehiaketak, erdaldun hutsentzat (geu ere erdaldun baikara), erreportaje, tertulia eta gainerakoak, igualtsu...

Nabari da erdaltzale hutsa izan dela BETI herri-diruz urre prezioan pagatu izan dugun telebista horretako nagusien ideologia. Akaso, euskaldun izateaz lotsatu egin izan direlako beti. Akaso ongi ez zekitelako euskaraz. Akaso alfabetatzeko astirik izan ez dutelako goi-kargu guztiek...

Tira, azkenean horrenbeste marrazki bizidun zer ekarri digun? PNV espainiarra: PP-PSOE. Eskerrik asko, zuzendari-gidatzailes. Gauzatxo bat: gaizki eginiko lanagatik kobratu duzuen dirutzarra, hobe bikarbonatotan gastatzen baduzue (botika merkeena bera izaki).