Teknologia albisteak

Harremanak hobetzeko komunikatzen ikasten

Udako Euskal Unibertsitatea

2009-05-06 : 09:05

UEUk Iruñean Harreman harmonikoak izateko komunikazio trebetasunak ikastaroa eskainiko du maiatzean. Gainerakoekin ditugun harremanetan kalitatea handitzeko hainbat teknika ikas daitezke ikastaro erabat praktiko horretan. Gotzon Carcar Coach pertsonal eta profesionala izango da irakasle.

Txikitan, bizitzan moldatzeko balio izan digun modu bat, rol bat, komunikatzeko era bat ikasi genuen. Lotsati, lider, kanporakoi, barnerakoi...izan gaitezke. Rol horiek barneratuta ditugu. Rol horietatik haratago komunikazio-modu berriak ikasteko aukera ematen du UEUren ikastaro honek. Maiatzaren 23an eta 30ean emango da Iruñeko UEUren egoitzan.