Banketxeen arteko transferentzien linboa
Demagun eBay bidez zerbait erosi Taiwanen eta Paypal bidez ordaintzen duzula igande batez. Zuk ordaintzen duzun une berean diru hori Taiwanen egongo da erabilgarri. Kitto! Aldiz, transferentzia zure herriko plazan dauden bi banketxeren artekoa bada, badakizu zenbat denbora igaroko duen diruak linboan?
Onenean, zuk dirua ordaindu eta lagunak egun bat beranduago jasoko du, nahiz eta bi banketxeen sukurtsalak 10 metrotara egon, beraien izenean biek "Kutxa" euskarazko hitza eraman eta azkeneko teknologiaz hornituta egon.
Baina okerrago ere izan liteke. Demagun jai egun baten bezperan arratsalde aldera agintzen duzula transferentzia (aurtengo apirilaren 30ean adibidez, ostegunean). Bada, litekeena da zure lagunak asteartean jasotzea diru hori.
Galdetu sukurtsalean, eta finantza munduko azalpen tekniko burutsua emango dizute: "egun baliodunak", hurrengo egunean ordaintzen dutela eta abar.
Baina niri ez dit balio. Kontua da beti gordetzen dutela gutxienez egun batez zure dirua beraien linboan, ez dakit zein tramiteren zai. Pentsatu zenbat transferentzia egiten diren egunero eta zenbat irabazten duten egunero tontakeria horrekin.
Noiz konponduko ote da hau?
Muturreko kasua
Duela zenbait urte prentsan irakurri genuen muturreko kasu absurdua:
Pertsona batek ordainketa handi bat egiteko taloi konformatu bat behar zuen. Dirua eskudirutan zeukan eta bere ohiko banketxera joan zen. Diru sarrera egin eta kopuru berdinagatik taloi konformatu bat eskatu zuen. Egin zioten.
Hurrengo egunean kontu korrontean egun bategatik zorpeko interesak kobratu zizkioten. Izan ere, diru sarreren balio eguna sarrera egin eta hurrengoa izaten da, aldiz ateratzeena egun berean.
Kasu honetan ez zegoen banku arteko transferentziarik, baina argi erakusten du nola denborak zentzu batera edo bestera aplikatzen diren interesaren arabera.
Erantzunak
inoren dirua epe batez erabiltzean datza bankuen negozioa. adjetibatzea libre da.
banatzaile handiek ere, esate baterako, ondasunak jaso eta hiru hilabetera, adibidez, ordaintzen dizkiete euren hornitzaileei (esate baterako ari naiz, agian epe luzeagoak erabiliko dituzte). askotan, unean bertan ondasunak bezeroei saldu arren. beraz inoren dirua erabiltzen dute denbora batez.
aurrez ordaindutako telefonoen kasuan, dirua erosten dugu telefonoa erabili ahal izateko eta, ondoren, egun batzuren buruan (edo hilabete batzuren buruan) erabiltzen dugu zerbitzua.
metrorako bileteekin (creditrans delakoa bilbo aldean), gauza berbera. PFEZ egiten dugunean ere, gehienoi, dirua bueltatze digute euskal ogasunek. bistan da aspaldi atxiki ziguten dirua bueltatzen digutela, gurea zena eta, hortaz, epe horretan guztian (2008ko urtarrilan atxikitako diruak 2009ko bueltatuz), gure dirua eduki dutela.
elkarren parean dauden bi bulegoen kasuan, kutxazainetik dirua atera eta beste bulegora eramatea aukera bat da. agian ez transferentzia etxetik edo telefonoz agintzea bezain erosoa. eta kostu bat, izan, badu. prezioa gehiegizkoa den, behar bezala jakinarazten den edota balio egunen kontua oso eztabaidagarria ote den... beste baterako.
Beste pare bat kasu nabarmen gure lepotik:
a) Hileroko lanaren ordain saria.
Hilaren lehen edo bigarren egunean enpresarentzat lan egiten duguna, hilabetea bukatu arte ez digute ordainduko. Langileen gain, 28, 29 egun doan, ordaindu gabe egotea, aurreratzen dituzte enpresek.
b) Errenta aitorpena.
2008ko urtarrilean atxikitutakoa 2009 urteko maiatzean itzuliko digu Foru-Ogasunak, ia 14 hilabete beranduago!
Oso ondo. Komisioez gain zerbitzuaren prezioa dela hori esan nahi duzue, ez da? Bada, kontsumitzaileak joango gara bide hobeak pentsatzen. Lasai.
Hasteko Internet bidezko diru bidalketa internazional guztiak galdu dituzte jadanik gure banketxe maiteek. Ea zer gertatzen den hemendik 5 edo 10 urtetara.
metaltrainer, nik behintzat ez dut esan ez nagoela ados. Alderantziz, beste pare bat kasu ipini ditut zentzu bereko adibide gisa eta edukia aberasteko
Lapurrak!