Zuberoako Euskobizia.com itxi egin da
Zuberoatik sortua eta ia bost urte martxan egon ondoren, boluntarioen faltagatik www.euskobizia.com webgunea itxi egin da. Webgunearen ardura zuen Vasconimedia elkarte bera desegin eta elkartearen webgunea itxi egin dute. Arrasto bezala Archive.org-en gordetako zenbait bertsio, wikipediako Euskobizia sarrera frantsesez edo Dailymotion-era igotako zenbait bideo sarean.
Euskobizia edo "le webdo des Basques d'ici et d'ailleurs" astekaria Vasconimedia elkarteak kaleratu zuen 2004ko abenduaren 25ean. Zuberoatik sortua baina arduradunen esanetan Zuberoa, Iparralde, Hegoalde eta diaspora osora zuzendutako ekimena.
Boluntarioen lanean oinarritutako webgunea izan zen, frantsesez, euskaraz, espainolez eta ingelesez argitaratzeko asmoa zuena eta hasieran teknikoki David Casteraren laguntza izan zuena.
Duela urte batzuk, euskara indartzeko Udalbideren laguntza jaso zuen, baina azkenik duela pare bat aste, 2009ko apirilaren 15ean, webgunea ixtea eta elkartea desegitea erabaki zen.
Hona Euskobiziak Dailymotion-en sareratutako bideotariko bat:
Erantzun
Sartu