Ubuntu: Ordenagailu berria urtean bi aldiz

Uste dut interesgarria litzatekeela ubuntu zerbitzua ematen duten denda edo lekuen zerrenda egitea, hoixe baietz, nora jo jakiteko, beti lagun berdinari eskean ibiltzen gara batzuk bestela.

Erabiltzaile gehienok eguneraketak egitera ez gara ausartzen. Aplikazio eguneraketei ezetz esaten diogu normalean, nola ausartuko gara sistema eguneratzen?

Formazio edo ezaguera falta da, baina uste dut gaur egun erabiltzaile arruntak, gehienek behintzat, ez duela eguneraketak egiteko adina konfidantza eta ezaguerarik.

Ez da, Iñigok esaten duen moduan, eguneraketen kontua bakarrik.



Ohiko erabiltzaile arruntak ezaguera oinarri-oinarrizkoak dauzka informatikan, eta ez da gai Ubuntu-Linux modukoekin sortzen diren hainbat arazo kudeatzeko. (Erne, ez dut esan nahi arazoa haiek sortzen dutenik, baizik eta horiek erabiltzean sortzen direla).



Erabiltzaile arrunta kondenatuta dago Windows, Explorer eta antzeko programa artxikomertzialen morrontzara, eta haiek sortzen dituzten inkonbenienteetara.

Nire ustez hor kontzeptu arazo bat dago.

Ordenagailu bat garbigailu bat baino tresna askoz konplexuagoa da. Software egileak gauzak errazten saiatzen diren arren, edonork ez luke tripetan ibili behar, software berria ezarri, errejistroa garbitu eta horrelakoetan. Garbigailua izorratzean teknikoari deitzen diogu. Aldiz, ordenagailua konpontzeko ia denok gara gai?

Windowsek edozer egiten uzten digu. Software ezarri, kendu, errejistroak gauzak aldatu, eta abar. Horrek segurtasun eta kontrol sentsazio faltsu bat ematen du, izan ere normalean "ACEPTAR" botoiari klik egitean ez dakigu zertan ari garen edo zein inplikazio dituen.

Are gehiago, 2009. urtean Ubuntu-Linux batek lan horiek egiteko (softwarea instalatu eta abar), Windows batek baino ingurune kontrolatuago eta seguruagoa eskaintzen du, eta zailagoa da sistema kakaztea. Beste arazo desberdin bat da ohitura falta eta Windowsera ohitu gaituztela.

Berriro diot. Uste dut errore handia dela edonork-edozer egiteko kultura hori. Zertan ari zaren baldin badakizu aurrera, baina bestela deitu tekniko bati. Honek balio behar luke Ubuntu instalatzeko edo baita antibirusa konfiguratzeko.

#4 Bai, baina garbigailuaren tripak ez ditugu urtean bi aldiz aldatzen, ezta bururatu ere!



Informatikan adituek horrela badiozue, hobe Ubuntu! Eta are gehiago, monopolioen aurkakoek berdin badiote.

Gari,

nik DVDa erabiltzeko teknikoari deitu beharko banio etengabe, azkenean ez nuke erabiliko; teknikoa behar dut (agian), hasierako funtzionamendua jakiteko eta zerbait izorratu bada konpontzeko. Ordenagailuan edozer egiteko tekniko bati deitu behar bazaio, ba horra hor esplikazioa zergatik Ubuntu ez den inoiz erabiliena izango.



Ordenagailuari DVD bati baino gauza gehiago eskatzen dizkiogu, lanerako, komunikatzeko, aisiarako eta eguneroko hainbat eta hainbat gauzatarako erabiltzen baitugu. Gehitu nahi dizkiogun aplikazioekin, edo Interneteko ez dakit zerekin, edo auskalo zerekin arazoak badauzkat, eta antibirus bat edukitzeko ere teknikoari deitu behar badiot... ba...

Ez da Ubunturen kontua. Gauza bat da tresna bat erabiltzen jakitea eta beste gauza bat konfiguratzen eta ezartzen jakitea.

Windowsen gauzak instalatzen baldin badakizu, aurrera, zuk dakizu nora iristen zaren. Agian zuk ez diozu zure albokoari inoiz ordenagailua konpontzeko eskatu. Zorionak!

Kontua da nik nire inguruan ikusi dudala ezin dela ordenagailurik eduki etxean, laguntza emango dizun norbait izan gabe alboan, ordaindu edo ordaindu gabe. Nire kasuan, nire familia, lagun eta auzoko askoren informatika zerbitzua naiz. Zuk badakizula horiek guztiak egiten informatika ogibidez izan gabe? Biba zu! Baina erabiltzaileen %80ak norbait behar du alboan, birusak sartu edo gauzak izurratzen zaizkionean konpontzen dizkiona.

Eta hau batez ere Windowsekin gertatzen da, %99ak sistema hori duelako ezarrita bai, baina batez ere edozein ezjakinek instalatzen dituelako tresna barra, pantaila babesle eta auskalo zenbat kaka.

Nik laguntza eskaini diedan guzti horiei gustora jarriko nieke Ubuntu bat, administrazio pasaitzak nik gordez. Aizu, nik laguntzeko kondizioak hauek dira, ez baduzu nahi, izurratu zuk ordenagailua. Baina ezin da, Windowsa guztiz ezarrita dugu gure neuronetan.

Ez dut esaten ordenagailuan instalazioak egiteko karneta atera behar denik. Esan nahi dudana da nondik zabiltzan baldin badakizu, aurrera jarraitu dezakezula, baina ez baldin badakizu, bilatu laguntza, ahal dela profesionala.

Nire lagun batek bere autoari motorra oso osorik aldatu izan die 20 urte zituenean (auto zahar bat, motorra erreta). Nik aldiz, olioa aldatzera ere garajera eraman izan dut. Ba hori.

Lehenengo ta behin eskerrik asko estekarengatik ;-)



Guztiz bat nator Garirekin eta bere proposamena (hurbilekoei mantentze lanak kondizio hoiekin egitea) apuntatu dut ;-)



Gai hau (librea vs pribatiboa) luze eta asko hitzegiteko modukoa da baina Lutz-en aportazioak argi utzi dit non dagoen gakoa. Asuntoa da ordenagailu bat ez dela DVD bat edo garbigailu bat. Sistema oso konplexua da eta aukera ugari eskeintzen duena. Gainera, Garik esaten duen moduan, windows-ak egiten duena oso "arriskutsua" da sistemaren egonkortasunerako. Exenplu bat. Imajinatu garbigailua destornilladore batekin datorrela eta katalogoan animatuko balute destornilladore hori edonork erabiltzen. Egizu nahi duzuna!!. Zenbat garbigailu matxuratuko lirateke?



Berdin gertatzen da ordenagailuekin. Nik windowsi (pribatiboa izateaz aparte) arazo larri bi ikusten dizkiot: bata birusak, malwareak, eta abarren menpe egotea eta bestea edozein erabiltzailek edozer egiteko aukera izatea sistemarekin.



Adibide bat. Lanean, egun berean portatil berdin bi erosi genituen bata windowsekin geratu zen, nireari Ubuntu jarri nion. Gaur goizean nire lankideak esan dit zerbait egin behar dugula bere ordenagailuarekin oso astiro doala, sareko konexioa galtzen duela,....Nik gaur ordenagailu berria estrenatu dut atzo Ubuntu eguneratu nuen eta. ;-)

Oraintxe eguneratu dut etxeko Ubuntu azken bertsiora eta Garik esan bezala beste ordenagailu bat erosi dudala dirudi. Hau abiadura, hau aldaketa, hau ...!



Orain denbora bat hartu nuen etxeko ordenagailua Ubuntura pasatzeko erabakia. Azkenaldian hartu dudan erabaki onenetakoa zalantza gabe.

Sinesten dizuet Ubuntu askoz aukera hobea dela.

Baina, konturatuko zarete Ubuntu erabiltzen duzuen hiruok "adituak" zaretela, ezta?



Zergatik uste duzue ez duela erabiltzaile xumeak erabiltzen? Windowsen presio komertzial "monopolikoarengatik" bakarrik dela uste baduzue, hemendik X urtera berriro arituko zarete berberak gauza bera esaten, besteok Windows erabili bitartean.



Hain zuzen ere, ordenagailu bat DVD bat ez delako, eta ezin garelako etengabe teknikarien atzetik ibili.

Nahi duzun bezala, Lutz.

Zuk diozu:

Ohiko erabiltzaile arruntak ezaguera oinarri-oinarrizkoak dauzka informatikan, eta ez da gai Ubuntu-Linux modukoekin sortzen diren hainbat arazo kudeatzeko.

Nik diot hori gertatzen dela Windowsekin ere, segurtasun sentsazio faltsu batekin eta emaitza okerragoekin (birusak, informazio galerak eta buruhausteak).

Arazoa ez da Microsoft. Arazoa erabiltzaileak gara. Nik ere, lehenengo aldiz Linuxek liluratu ninduenetik egunero erabiltzen hasi nintzen arte bi edo hiru urte pasatu nituen, eta ongi ulertzen dut motibazio handia behar dela aldatzeko lanak hartzeko.

Eta ez da teknikari kontua. Nire familian ez dute arazorik Ubunturekin (3 eta 6 urteko seme-alabak eta emazte ez-teknikoa), ez bada Ikastolen elkarteko jokoekin eta zenbait jokorekin.

Lutz, niregana laguntza eske datozenen arazo guztiak windowseko arazoak dira. :-(



Dena den mundua ez da Windows-en edo GNU/Linux-en amaitzen. Hor ditugu Mac sistemak ere, oso sistema ona. Asuntoa ez da teknikoa bakarrik. Badago beste gauza bat ere, software askearen etika ere hor dago.



Nik uste dut software libreak kriston aukerak ematen dizkiola gurelako kultura eta hizkuntza "txiki" bati.

Bada urtebete Linux-Ubuntura salto egin nuela eta esan beharra daukat erabat maiteminduta bagoela sistema berriarekin. Guztiz erabilterraza izateaz gain, bisualki ere harrigarria da. Ni ez naiz informatikan aditua eta lagun batek instalatu zidan ordenagailuan Ubuntu (Windowsa erabat desinstalatu gabe, Photoshopa sarri erabiltzen baitut eta ez bainaiz Gimpekin ongi moldatzen), baina hortik aurrera dena nik neuk egin dut: interfazea nire gustura jarri, programa berriak instalatu... Tira, hasieran gauza ugari arrotzak egiten dira, baina zalantzarik izanez gero, interneteko foroetan begiratu eta kito. Ubuntu 'adituentzat' soilik dela diotenei, probatzea gomendatuko nieke, Windowsetik kanpora (baita Mac-etik kanpora ere noski), beste mundu bat egon badagoela ikusiko baitute... baita mundu paregabea dela ohartu ere!

Aupa.

Nik lehenengotik aitortu behar det informatikaria naizela, eta Ubuntu erabiltzen dudala bai lanean eta baita ere etxean azkeneko hiru urtetan.

Nire alabek (11, 9 eta 3 urterekin) ubuntu erabiltzen dute. Zahar biek ikastolan Windows ere erabiltzen dute, eta sistema bietan trebatuta daude. Hauek biak Gimp-ekin artista batzuk dira, Koro lankideak egin zuen manuala jarraituz laister nik baino hobeto menderatuko dute tresna hau.

Nire alabek (oraindik) ez dute softwarea instalatzen, ordenagailuan OpenOffice, firefox, tuxracer, Gimp eta amsn (messenger klon bat) erabiltzen dute. Ez daukat firewallik, ez antibirusik, eta sistema ez da izorratzen, ondo dabil.

Nire arreba biak Windows dute, eta Gari-ren kasuan bezela, ni naiz "soporte teknikoa". Nire hilobek ez dakit nola egiten duten (bueno, egia esan badakit), baina sarritan lagatzen dute Windows hankaz gora, eta berriro ere hutsetik instalatu beharra izaten dut. Hori, kontutan izanik anbibirusa, antispyware, firewalla, eta dena instalatzen diedala.

Nire alabentzako Ubuntu ez da arazoa, xaguakin atzera eta aurrera lasai dabiltza. Nire emazteak ere etxean Ubuntu erabiltzen du, nahiz eta bere lanean Microsoft denerako erabili (firefox ere ez dute erabiltzen), baina berak ere ez du arazorik.

Egia esan, tranpa txiki bat egin diot emazteari. Windows partizioan (badakizue, jolas batzuk ezin dira emulatu) explorer "deskonfiguratu" egin det, eta horrela badakit Interneten sartzeko ubuntu arrankatu behar dutela.

:)

Atzo hasi zen, hain zuzen ere, UEUk antolaturiko ikastaro bat: Ubuntu erabiltzen hasi nahi dut. Maiatzean falta diren astelehenetan jarraituko du ikastaroak, UEUren Eibarko egoitzan.

Kuriositate moduan, inork ezagutzen du Fedora adibidez?



Nik experientzia gutxi daukat banaketa horrekin, Gentoo-zalea naizelako eta rpm eta ni ez garelako oso bateragarriak, baina hoiek ere 6 hilabetean behin ateratzen dute bertsio berria eta Ubuntuk dakartzan hainbat eta hainbat berrikuntza hauen lanaren ondorio dira.



Euskal komunitateko inork erabiltzen du!?

Ni Red-Hat- ekin hasi nintzen eta Fedora ere probatu izan dut, baina azkenean Ubunturen "erraztasunak" arrapatu nau, nahiz eta komando kontsola gustuko izan ;-)