Teknologia albisteak
Ibilaldia eta Araba Euskaraz 2009
Sustatu
2009-04-24 : 16:04
Gerizpetik eguzki begire lelopean ospatuko da Galdakaon datorren maiatzaren 31n Ibilaldia09, Bizkaiko ikastolen jaia. Araba Euskaraz 2009, berriz, ekainaren 21ean izango da Oionen. Bien abesti eta klip batzuk ditugu. Horra Ibilaldiaren spot-a:
Ibilaldiari dagokionez, Eguzkibegi ikastola izan da aurten jaialdia antolatuko duena. Goian duzue spot-a, eta hemen behean, abestia, Biok taldeak egina.
Araba Euskaraz
Araba Euskaraz 2009 ekainaren 21ean izango da Oionen. Pirritx, Porrotx eta Marimototxek egin dute aurtengo edizioaren kantua: Saltoka. Horra bideoa:
Galdakaoko Eguzkibegi Ikastolak 40 urte bete ditu aurten eta Ibilaldiaren aitzakian ikastolaren historiako argazkiak lortu eta argazki erakusketa antolatzeko bildu gintuzten ikasle ohi batzuk; bloga ere egin genuen argazkiak sareratzeko: http://www.blogak.com/eguzkibegi40.
Argazki erakusketa Galdakaoko Torrezabal Kultur Etxean dago ikusgai maiatzaren 8ra arte. Egun horretan ikastolaren historiari buruzko liburua eta DVDa ere aurkeztuko dute.