Teknologia albisteak
Maurice Jarre soinu-banden konposatzailea hil da
Sustatu
2009-03-31 : 09:03
Maurice Jarre musikaria hil da joan den asteburuan. Konposatzaile honen lanik ezagunenak filmetarako eginiko soinu-bandak izan ziren. Adibidez, Doctor Zhivago-ren musika, zeinak oscarra eman zion.
Doctor Zhivago izan zen Maurice Jarreren oscarretako bat. Beste bi ere lortu zituen:
- Passage to India
- Lawrence of Arabia, aurrekoa baino gogoangarriagoa agian.
Beste film askoren musika ere zuzendu zuen, Wikipedian aurki dezakegu bere ibilbidearen berri, frantsesez edo ingelesez.
Maurice Jarre frantziarra zen jaiotzez (Lyon, 1924), baina AEBetan bizi zen 1960ko hamarkadatik. Haren semea da Jean-Michel Jarre musikaria.
Ezin zoragarriagoa Doctor Zhivago filmeko soinu banda. Ahaztezina. Esker mila, Jarre jauna.