Merkatua.net: Internet bidez erosteko webgune euskalduna

Goienan aspaldi hasi ginen blog komertzialekin. Urteak pasa dira eta orain horiek webgune bihurtu ditugu eta saltzeko aukera gehitu diegu webgune horiei.

Zer dago merkatua.net-en?

• Debagoieneko denda ezberdinen komunitatea: eskaintzak, telefonoak, Tagzanian kokatuta denda non dagoen... Bai, Debagoienetik kanpoko dendek ere aukera dute egoteko.

• Produktuak erosteko aukera. Oraingoz, Debagoieneko 78 negozio ezberdinek dute euren lekua Merkatua.net-en eta horietatik 13k dituzte produktuak salgai. Guztira 200 bat produktu daude: eskulanak, umeendako osagarriak, poltsak, ile-apaindegiko produktuak, altzariak, etxetresna elektrikoak, bitxiak, dekoraziorako produktuak, jatekoak...

Merkatua.net-en estandar guztiak betetzen ditugu, legedia zorrotz bete dugu eta pribatutasunari garrantzia handia eman diogu. Zure datuak (txartelekoak, nortasun agiria...) ez ditugu guk ikusten, ez dugu spam-ik egingo zure e-postarekin. Erosketa segurua da egin dugun aukera eta horretarako Paypal zerbitzua erabili dugu (erdaraz aurkituko duzun orri bakarra). Segurua, bizkorra eta azkarra.

Etxean jasoko duzu erositakoa

• Euskal Herriko edozein txokotatik egin daiteke erosketa baita Espainiatik ere eta etxera bertara eramango dizugu erositakoa.

Erosketa segurua

• Sartu Merkatua.net-en, ikusi, saltseatu eta gustuko zerbait ikusten baduzu lasai erosi. Ordainketa gune seguru batean egingo duzu, Paypal erabiliz. Merkatua.net-ek zure helbidea bakarrik ikusiko du, erositakoa zuri etxera bidali ahal izateko.

Aurkezpena

• Aurkezpeneko argazkia eta bideoa goiena.net-en: Ino Galparsoro Mankomunitateko presidenteak nabarmendu du aurkezpenean Debagoieneko dendak batera egotea leiho bakarrean, euskaraz izatea merkatua eta gertukoa den enpresak erraztea dendei Interneterako saltoa.

Sartu, sartu: merkatua.net