Teknologia albisteak
Wordpress, aukera berriak euskaraz
Sustatu
2009-01-07 : 12:01
Blogak egiteko Wordpress plataforma libre eta ezagunaren bertsio berria, 2.7, euskaraz eskuragarri dago jada, eta Wordpress-en gune ofizialean eu.wordpress.org azpidomeinu lor daiteke.
Aurreko bertsio batzuetan bezala, berriz ez dirudi datak euskaraz zuzen jartzearena erraza denik:
- eu.wordpress.org horretan data hau aurkitu dugu: 2008(e)ko Novemberren 17(a)
- Jabi Zabalaren Sarean.com blog eguneratuan, berriz, beste hau: Urtarrila 5th, 2009
Banakako blog euskaldun dexente badago hortik, adibidez, aipaturiko Sarean.com, Teketen-ena, Pravda Txikia, Silicon Lautada ...
Euskarazko komunitate edo plataformen artean, Mundua.com (nork berea sortzeko) eta Sareblog blog komertzialen ekimena daude. Baina eraberritze honekin, WordPress egiten duen Automattic enpresari lotutako Wordpress.com erraldoia ere euskaratua dagoela ikusi dugu: eu.wordpress.com
Bi kontutxo:
* Datarena ez dirudi probatu duzuenik: askotan itxurek beraiek zehazten dute dataren formatua (sarean.com-eko kasua dirudi) eta, horrez gain, zerbitzariak ez baditu euskarazko locale-ak, hilabeteen izenak ez dira euskaraz agertuko (eu.wordpress.org-en kasua).
* Agian gaizki ulertu dut baina eu.wordpress.com gunearen interfazea ez dut inondik inora euskaratua ikusten. Zerrendatzen diren edukiak dira euskarazkoak.