Teknologia albisteak
6

Homo proponit, sed Deus disponit

Erabiltzailearen aurpegia
Sustatu
2008-11-22 : 10:11

Eliseo Gil arkeologoari elkarrizketa egin diote Veleiako eskandaluaz. Ez du kasu zehatzen gainean erantzun nahi, salbu eta 15. mendeko esaldi latino batez, zeharka: "nork demostratu lehen aipua 15. mendekoa dela?" Bere defentsa nagusia da bera arkeologoa denez, piezen jatorri arkeologikoaz erantzun dezakeela, baina epigrafista ez denez, ezin du erantzun idazkunez.

Eliseo Gil ez da sartzen Nefertiti edo euskarazko terminoen eztabaidan, elkarrizketatzaileak horretaz galdetzen dion arren.

Kasu bakarrean erantzuten dio zertxobait, Homo proponit, sed Deus disponit agertzen dela-eta idazkunetan. 15. mendeko fraide baten liburuko esaldia omen da, eta horren aurrean zera erantzuten du Gilek:

Nork demostratu dezake esaldi horren lehen agerpena 15. mendekoa dela?

Atsotitzen Wordsworth hiztegian ageri da, adibidez, esaldi hori Thomas Kempisen dela, 15. mende hasierakoa.

Wikipediaren Wikiquote proiektuan ere ageri da, Kempis frauidearen orrian.

Esaldi latino klasikoa Gotzon Garete zendu berriaren atsotitzen lan mardulean ere ageri da euskarazko zenbait baliokiderekin, adibidez:

  • Esanak gugan, eginok Jaungoikoagan.
  • Gizona dabil eta Jaunak darabil.

Erantzunak

Sustatu
2008-11-24 : 16:35

Gaur gauerdian (zehazki, astearteko 00:05ean) Eliseo Gil elkarrizketatuko dute ETB2 kanaleko Politicamente Incorrecto saioan.


Sustatu
2008-11-24 : 19:00

Eliseo Gilen enpresak, Lurmen-ek, kudeatzen duen Veleia.com webgunean ohar bat eta dokumentu bat jarri dute gaur, datu zientifikoak emanez.


Aurkikuntzen datu estratrigrafikoak eta materialen datazio kimikoak dokumentatzen dira txosten horretan, aurkikuntzen antzinatasuna ziurtatzen omen dutenak. Ez dago idazkunen aipamenik.


Sustatu
2008-11-25 : 13:15

Elkarrizketaren kronika hau argitaratu da gaia jarraitzen duen blog euskaldun honetan.


Sustatu
2008-11-25 : 14:01

Ricardo Gomez hizkuntzalariak Lurmen SL-k atzo zabaldutako agiriaren disekzio kritikoa egin du bere blogean.


Sustatu
2008-11-26 : 11:21

Joseba Lakarraren hitzak eta iritziak, gaur Berriak argitaratutako artikuluan.


Sustatu
2008-11-26 : 11:54

Elkarrizketaren parte bat sarean jarri du EITBk. Sonia Hernando aurkezleaz gain, Garikoitz Montañes (Noticias de Alava) eta Alberto Barandiaran (Berria) kazetariak aritzen zaizkio galdezka Eliseo Gili.


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago