Euskadiko Guitar Hero txapelketa, Gaztearen eskutik
Euskadiko Guitar Hero World Tour Txapelketa antolatu du Gaztea irratiak. Eguberrietan izango da EITBren Bilboko egoitzan eta sari potoloak jarriko dituzte jokoan.
Parte hartzeko guitarhero@eitb.com helbide elektronikoan eman behar da izena. Taldearen izena, taldekide bakoitzaren izen-abizenak, adina, herria eta kontakturako e-posta helbide bat jarri behar dira bertan.
15 urtetik gorako lagunei zuzendutako lehiaketa izango da.
Erantzunak
Abenduaren 22an eta 23an Euskadiko Guitar Hero World Tour Txapelketa Gaztearen eskutik. 15 urtetik gorako gazteei zuzendutako lehiaketa izango da. Neska-mutilek hirunaka hartu ahal izango dute parte, batek bateria jotzen, besteak gitarra eta hirugarrenak abesten.
guitarhero@eitb.com emailera mezua bidalita izena eman beharko dute. Adierazi beharreko datuak honako hauek: Parte hartzaileen izen-abizenak; taldearentzako izena; herria; adina eta kontakturako email eta telefonoren bat.
Abenduaren 22an Bilboko egoitzako ateak zabalduko ditu EITBk. 16:00etatik aurrera Euskadiko Guitar Hero World Tour Txapelketan esku hartu nahi dutenek izena emateko aukera edukitzeaz gain, bideojokoa eskura izango dute probak egiteko eta pixka bat praktikatzeko. Txapelketa Abenduaren 23an jokatuko da arratsaldeko 16:00etan hasita.
Gazteak sari potoloak banatuko ditu. Irabazleek 1000 euro eta materiala eskuratuko dute; bigarrenek 500 euro eta materiala, eta hirugarrenek materiala. Gainera, sari berezi gisa, taula gainean agerraldi bizi eta animatuena eskaintzen duen taldeak 200 euro eskuratuko ditu.
Nazkagarria da irrati kate honek daraman bidea: produktu komertzialen salmentarako lekua besterik ez da. Musika leloa, lehiaketa txoroak, bideoklip matxistak...
Aiiii, noiz izango dugu Radio3 bat geurean?