Teknologia albisteak
2

Donostia Solasean: Euskara XXI. mendean

Erabiltzailearen aurpegia
Mikel Etxebeste - Donostiako Euskararen Udal Patronatua
2008-11-06 : 11:11

Donostia Solasean: Euskara XXI. mendean hitzaldi zikloa antolatu dute Euskararen Udal Patronatuak eta UEUk. Txema Preziado eta Ana Eizagirre EHUko irakasleak, Andoni Egaña bertsolaria eta Joxean Muñoz Tabakalerako zuzendaria izango dira hizlariak.

Euskararen Udal Patronatuak eta Udako Euskal Unibertsitateak (UEU) elkarlanean antolatu dute Donostia Solasean: Euskara XXI. Mendean izeneko hitzaldi zikloa. Hitzaldiak asteazkenero egingo dira, azaroaren 12an hasi eta abenduaren 3ra (Euskararen Nazioarteko Eguna) bitartean.

Lau hitzaldiz osatutako hitzaldi sorta honek euskararekin zerikusia duten hainbat gai jorratu eta sakontzeko aukera eskainiko du. Hausnarketarako tartea izan nahi du, euskararen iragana eta oraina ahaztu gabe, euskarak XXI. mendean izango dituen erronkei aurre egiteko laguntzeko asmotan. Aurten gainera, Hizkuntzen Nazioarteko urtea ospatzeaz gain, 40 urte dira euskara batua sortu zela. Hori guztia kontuan hartuta, hitzaldi zikloa antolatzea erabaki dute Euskararen Udal Patronatuak eta UEUk.

Informazioa gehiago

Erantzunak

Udako Euskal Unibertsitatea
2008-11-06 : 12:36

Abenduaren 3an, Euskararen Nazioarteko egunean amaituko da hitzaldi zikloa. Azaroaren 12an hasita, asteazkenero hitzaldi bat egongo da:


  • Azaroaren 12an: "Herritarrak alfabetatzen: euskaldunon historia" hitzaldia emango du Ana Eizagirre EHUko irakasleak (19:00etan, Okendo Kultur Etxean)

  • Azaroaren 19an: koloreen euskal ikuskerari buruzko hitzaldia emango du Txema Preciado EHUko irakasleak, "Larri-gorrian egonda geure egoera zuritzen...? Beltza da gero euskal koloreen geroa!" (19:00etan Lugaritz Kultur Etxean)

  • Azaroaren 26an: Andoni Egaña bertsolariak "Euskararen erronkak XXI.mendean" hitzaldia emango du (19:00etan Ernest Lluch Kultur Etxean)

Euskararen egunean, abenduaren 3an, hitzaldi berezia izango da:


  • Tabakalerako zuzendari Joxean Muñozek "Tabakalera: euskara nazioarteko gune batean" hitzaldia eskainiko du 19:00etan, Victoria Eugenia Antzokiko Klub aretoan.

Azken saio horretarako asistentzia konfirmatu egin beharko da 943 82 14 26 telefonora deituz edo mezu bat ikastaroak (a bildua) ueu.org helbidera bidaliz.


Udako Euskal Unibertsitatea
2008-11-06 : 12:52

Hitzaldi guztien sarrera doakoa izango da. Hala ere, Euskararen Egunean Joxean Muñozen hitzaldirako aforo mugatua egongo da, eta asistentzia konfirmatu egin beharko da.



Konfirmatzeko:

Udako Euskal Unibertsitatea

943 82 14 26 (Irati)

ikastaroak@ueu.org

Erantzun

Twitter ikonoa  Facebook ikonoa  Sartu