Teknologia albisteak

Kirol eta aisialdi ekitaldietako aurkezleentzako ikastaroa

Erabiltzailearen aurpegia
Gotzon Egia - Gipuzkoako Foru Aldundia
2008-11-03 : 12:11

Ezaguna da hainbat kirol eta aisialdi ekitalditan aurkezle euskaldunak aurkitzeko garaian zailtasunak izaten direla, eta sarritan ekitaldiari hizkuntza eduki nabarmenena eman ohi diona aurkezlea izan ohi dela. Hutsune hori bete nahirik, Gipuzkoako Foru Aldundiak eta Donostiako Euskararen Udal Patronatuak aurkezle euskaldunak prestatzeko teknikak eta baliabideak jorratuko dituen ikastaro bat antolatu dute.

Ikastaroan, batetik, alderdi teorikoak eta praktikoak landuko dira eta, bestetik, euskal aurkezle ezagun batzuen esperientzia eta aholkuak jasotzeko aukera izango da.

Ikastaroa 16 ordukoa izango da eta lau larunbatetan banaturik eskainiko da, Anoetako Kirol Etxean azaroaren 22an eta 29an, eta abenduaren 13an eta 20an. Manu Marañon, Jon Alegria, Arritxu Iribar, Julia Marin eta Xabier Usabiaga izango dira irakasleak; parte-hartzaileek alderdi teorikoak eta praktikoak lantzeaz gain, euskal aurkezle ezagun batzuen esperientzia entzuteko aukera izango dute.

Ikastaroan partaide izan nahi baduzu, azaroaren 3tik 17ra eman behar duzu izena, dokumentua hau bete eta bidalita:

Argibide gehiago:
www.kirolaeuskaraz.net

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago