Teknologia albisteak
5

Berrikuntzak Berriaren webgunean

Erabiltzailearen aurpegia
Berria.info
2008-10-17 : 20:10

www.berria.info webguneak bi berrikuntza nagusi izango ditu bihartik aurrera: itxura argiagoa edukiko du, diseinua berrituta, eta erabiltzaileei parte hartzeko aukera emango die.

Gaur eman du aldaketen berri BERRIAk, paperezko edizioan eta webgunean.

Bihartik aurrera erabilgarri eta ikusgarri egongo da BERRIAren webgunearen azken bertsioa, www.berria.info helbidean. Diseinua berrituta, webgunea argiagoa eta irakurgarriagoa egin nahi izan da. Erabiltzaileek parte hartzeko aukera eta tresna gehiago izateko ere baliatu da aldaketa.

Hiru asmorekin berritu da www.berria.info webgunearen itxura: irakurgarritasuna irabaztea, ordenagailu pantaila zabalagoetara egokitzea eta, oro har, gunearen itxura bera txukuntzea. Diseinu berriarekin, edukiak hobeto aurkeztuko dira pantailan. Gunearen azalean, lehen orrian, lehen baino eduki gehiago agertuko dira, eta txukunago antolatuta. Albisteak sailkatzeko eta gaiak bereizteko koloreak eta letra mota argiagoak erabiliko ditu webguneak. Betiere, albisteak erosoago irakurtzea da diseinu berriaren helburua.

Erantzunak

Mikel L.
2008-10-18 : 22:44

Ba ez dute Albisteen Feed-a eguneratu. RSS bakoitzean klik egin eta ez du inongo albistetara eramaten. Ea konpontzen duten.

Sustatu
2008-10-20 : 15:30

Zuzendu dituzte RSS jarioak salbu eta komikiei dagokiena: kasu honetan loturek ez daramate komiki-tira komentatu daitekeen orrira, baizik eta irudiaren fitxategi soilera. Ea azkar konpontzen duten, Montxo eta Zaldieroaren tiretan erantzunak uzteko aukera oso interesgarria baitirudi.


Andres
2008-10-20 : 15:31

Lortu dute, behintzat lehen begirada batean webgunea argiagoa izatea!

Non dago orain Harpidedunen Txokoa?



joseba
2008-10-21 : 00:52

paperean gertatu ohi den bezala, aldaketetara ohitzea kostatu egin daiteke haseran.



baina web orria NABARMEN Hobetu dela esango nuke. niri behintzat askoz irakurterrazagoa iruditzen zait eta sailkapen argiagoa (EH, ekonomia, kirola, kultura...)



harpideen kioskoa ere lehengo toki bertsuan dago, ez dakit lehen ordutik hor zegoen baina orain jada badago.



zorionak berriari !

Maider
2008-10-24 : 10:54

Niri lehengoa baino askoz gehiago gustatzen zait. Oso argia da eta benetan txukuna. Pozten naiz Euskal Herrian ere web orrialdeen kontua aurrera joatea eta teknologia berrien diskurtsoan sartzen ari izana.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago