Teknologia albisteak
3

PSE-EEren webgune berria eta Facebook-eko lagunak

Erabiltzailearen aurpegia
Sustatu
2008-10-15 : 10:10

PSE-EEk bere webgune berritua aurkeztu zuen atzo. Rodolfo Ares bozeramaileak gidatu zuen aurkezpen ekitaldia, eta webgune modernoa egin dutela azpimarratu zuen. Patxi Lopezek eta Ibarretxek Facebook-en duten lagun kopuruaz ere datuak eman zituen Aresek agerraldian.

Lehen begiratuan, gaztelaniaz azaltzen da Socialistasvascos.com, baina hizkuntza aldatu daiteke, eta portadako albiste gehienak euskaraz azaltzen dira horrela.

Hala ere, titularrak eta lehen esaldia besterik ez dira itzultzen, nonbait, portadan agertzen diren eduki horiek hain zuzen. Adibidez, hemen da elkarrizketa bat Jesus Egigurenekin

Lopez eta Ibarretxe Facebook-en

Rodolfo Aresek Interneteko presentziaz beste datu batzuk ere eman zituen. Berriako kronikak dioenez, Patxi Lopezen blogak hilean "40.000 bisitari" dituela esan zuen Aresek. Horri esker, Lopezek "mila lagun berri" dituela ere gehitu zuen, eta "Ibarretxek 108 besterik ez du". Berrian ez da zehazten datua, baina lagunen kontu Facebook-eko kontaktu zerrenda dela dirudi.

Patxi Lopezen profila hemen dago, eta orri pertsonala dela dirudi, mila lagun pasa dituela. Juan Jose Ibarretxe delako baten profil pertsonal seguruenik faltsu bat ere badago, baina horrez gain Ibarretxe Lehendakaria izeneko beste orri bat dago, politikari gisa sailkatua, zeinean 110 jarraitzaile agertzen diren. Facebook-eko orri eta profil kategorietan, egiazki, gauza desberdinak dira Lopezek duen orria eta gehitu zaizkion lagunak batetik, eta Ibarretxek dituen jarraitzaileak.

Erantzunak

Imanol
2008-10-15 : 13:51

Euskara gutxi eta dagoen euskara, txarra.

Josu
2008-10-15 : 21:01

Ez dakit zertarako nahi dituen lagunak F. López-ek Facebook-en. Blogean jasotzen dituen komentarioei egiten dien kasua kontuan izanda, ez dut uste Facebook-en askoz partehartzaileagoa izango denik.



Bestalde, 1000 lagun... zertarako nahi ditu 1000 lagunak? Prensaren aurrean esateko 1000 lagun horiek dituela, kitto.

Luistxo
2008-10-16 : 10:54

Hanka sartu du Aresek. Patxi Lopezek mila lagun ditu, baina topea ere mutur aurrean izan dezake, Facebook-eko partaide batek ezin baitu 5.000 lagun baino gehiago ikusi. (Lagun gehiegizkoen edo edozein norberaren lagun bihurtzearen kontra idatzi zuen duela egun gutxi Jose Antonio del Moralek bere blogean).


Ibarretxek, berriz, ez du partaide profilik, politikari orria da berea, eta 100 jarraitzaile pasatxo ditu bakarrik, baina hor ez dago mugarik. Evo Moralesek 8.000 jarraitzaile baino gehiago ditu. Tematzen badira jeltzale batzuk kanpaina egiten Facebook-en, akaso lortuko dute Patxi Lopez gainditzea.


Lagun ala jarraitzaile gehiago, ez dut uste ezer inporta duenik, dena den.


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago