Unibertsitateetako software librearen jardunaldia ostegunean
Duela egun batzuk iragarritako EHUko software librearen jardunaldiak badu jada programa. Ostegunean, azaroaren 6an, izango da jardunaldia Donostiako Joxe Mari Korta Ikerketa Zentroan.
Egitaraua
9:30 Irekiera. Cristina Uriarte, EHUko Gipuzkoako Kanpuseko errektoreordea, eta Xabier Arrieta, EHUko IKTen kudeatzaile-ordea.
9:45 Openbravo produktuaren arduradunak
10:30. SUN eta kode irekiko softwarea.
11:45. Software libreko unibertsitateko produktuak.
12:30 i18n eta l10n: OpenOffice.org, Firefox eta Thunderbird euskaraz. Iñaki Larrañaga, Dooteo, ZUNDAN-ekoa, eta Julen Ruiz Aizpuru, EHUko ikerlaria.
Bazkaria
15:30 Software libreko esperientziak unibertsitateetan (Salamancakoa, Deustukoa, UNED, eta EHUko Itsas software libreko taldearen izenean, Jose Daniel Gutierrez)
16:15 Asterix: software libreko zentralita telefonikoa.
17:00etatik, eta amaitu arte, karrera amaierako proiektuak.
Informazio gehiago, hemen. Izena emateko, 10 euro dira (bazkariarekin).
Erantzunak
DiarioLinux-en bere garaian garbi laga zen unibertsitateen arteko jardunaldiak direla eta aurten egoitza EHUn izango duela.
Jardunaldi honetan egin ziren aurkezpenetako batzuk hemen daude PDF formatuan.
Deustuko Unibertsitateko esperientziez buruzko beste aurkezpen bat ere aurkitu dugu, eta DiarioLinux-en kronika bat, EHUk jardunaldi honetan egindako iragarpen batez, software libre gisa askatuko dituela zenbait aplikazio.
Enpresa Digitala albistegian irakurri dugunez, EHUkoa barik, EAEko hiru unibertsitateena omen da jardunaldi hau. Agian oker jarri dugu izenburua, EHUko..
Webgune ofizialean beste unibertsitate batzuetako partaideak ageri dira batzorde akademikoan, baina ez dugu oharrik ikusi antolakuntza hirukoitza denik eta ez EHUkoa. Jardunaldiaren lema ere, eman ta zabal zazu software librea, EHUren lematik sortzen da noski.