Teknologia albisteak
1

Eitb.com berria Beta fasean

Erabiltzailearen aurpegia
Sustatu
2008-10-08 : 10:10

Zabaldu.com-ek kaleratu du, inaugurazio ofiziala baino lehenago, Eitb.com berriaren beta bertsioaren kokapena. Zabaldu.com-eko albisteak beta bertsio horrek atzo zekarren Creative Commons lizentziaren oharrari erreparatzen zion, baina gaur jada desagertu da ohar hori, eta ohiko copyright abisua dago.

Eitb.com berria, lehen bistadizoan, gaztelaniaz agertzen da nonbait, baita lehenetsitako hizkuntza euskara duzunean ere. Urrats bat haruntzaxeago dago euskarazkoa.

Irratia eta telebista zuzenean ikusi edo entzun ahal izateko, Windows Media Player plugina behar omen da. Bideoak ikusteko, nahikoa da Flash aplikazio arruntarekin. Bideoak kanpoan itsasteko koderik ez du eskaintzen.

Beta bertsioa honela aurkezten da webgunean bertan: Dagoeneko martxan dago eitb.com-en "Beta" fasea (probetako weba). Erabiltzaileak protagonista bihurtu nahi ditugu "Beta" fase honekin, aireratzeko momentutik bertatik. Atariari buruz duzuen iritzia ematea edo egingo zenituzketen aldaketak adieraztea eskertuko dizuegu. Horretarako, nahikoa duzue informazio honetan, testu honen azpian, komentarioak egitea. Komentario horiek hemen utzi daitezke.

Hala jarraitzen du aurkezpen testuak:

Eitb.com berria atari handi bat izango da. EITB taldeko edukiak baino askoz ere gehiago bilduko dituen ataria. Eduki propioak ere indartuko dira eta aukera handiak eskainiko dituen atea izango da: interaktibitatera, parte hartzera, era guztietako gai eta istorioen gunera, e-merkataritzara, sorpresetara eta era guztietako emozioetara eraman gaituen atea.

EITBko presentzia Interneten hankaz gora jartzearen lehen arrastoa eitb.com-eko logotipoan ikusiko dugu. ("i" hizkia, "!" harridura-marka bilakatzen da). Halaber, web gune berriaren irteera kanpainan ere egongo da: kanpainaren gai nagusia guztiari buelta ematea baita.

Horrez, gainera, atari berriaren ezaugarri nagusiak hauetxek dira: izaera multimedia, interaktiboa, unibertsala, berehalakoa, teknologikoki aurreratua eta pertsonalizatu eta egokitu ahal dena.

Ostiralean, urriak 10, irekiko da Eitb.com berria ofizialki.

Erantzunak

assar
2008-10-08 : 13:50

> Irratia eta telebista zuzenean ikusi edo entzun ahal izateko, Windows Media Player plugina behar omen da.



Linuxen/Firefoxen ikusi nahi izanez gero, mplayer plugina instalatuta balio du. "mozilla-mplayer" paketea instalatu behar da, Synaptic erabiliz egin daiteke.



Hori bai, gaztelaniazko bertsioan soilik ageri da aukera hau (telebista zuzenean ikustearena). Euskarazkoan ez. Gaztelaniazko bertsioa beta izango da, baina euskarazkoa ez alfara ere iristen.







Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago