Teknologia albisteak

Hamar ber ehun, mundua hobetzeko ideia lehiaketa

Erabiltzailearen aurpegia
Sustatu
2008-10-08 : 10:10

10100 edo 10 ber 100 proiektua (hamar ehuneko potentziara) Googlek sustaturiko lehiaketa eta laguntza ekimen bat da. Mundua onerako alda dezaketen ideien lehiaketa bat, zeinean bost proiektu aukeratuko dituzte (gehienez) azkenean, eta horien artean 10 milioi dolar banatu garapenerako. Ideiak aurkezteko epea, urriak 20.

Oinarriak, informazioa eta abarrak Project 10 to the 100 webgunean dituzu, zenbait hizkuntzatan, horien artean frantsesa eta gaztelania. Proposamena hizkuntza horietako batean aurkez dezakezu, eta haren lagungarri gehienez 30 segundu dituen bideo bat ere gehitu dezakezu Youtube-ra, baina bideo horren hizkuntza ere multzo jakin batekoa izan beharko da: euskarak ez du balio.

Hala ere, euskara edo hizkuntza gutxiagotuen inguruko proiekturen bat aurkezterik ba ote? Zergatik ez. Zortzi kategoria daude ideiak garatzeko, eta lehena, komunitatea, honela definitzen dute:

Nola lagun dezakezu jendea, komunitateak eraiki, eta kultura bakanak babestu?

Beste kategoriak dira:

  • aukera aniztasuna
  • energia
  • ingurugiroa
  • osasuna
  • hezkuntza
  • babeslekua (bizitoki seguru bat izatearekin zerikusia lukeena)
  • gainerakoak (sailkatzeko zaila den ideiaren bat baduzu)

Prozesuak bide hau jarraituko du:

  • Proposamenak bidal behar dira eta bideoa prestatu, urriaren 20a baino lehen.
  • Googleko langile talde batek 100 aukeratuko ditu, eta publiko egingo dira 2009ko urtarrilaren 27an.
  • Bozketa irekiko da Interneten, 100 horietarik 20 finalistak aukeratzeko.
  • Batzorde berezi batek, 20 horien artean, bost aukera ditzake, eta otsail hasieran jakinaraziko dira horiek.

Ideia horiek garatzeko, 10 milioi dolar banatuko dira. Googlek bere 10. urteurrena ospatzeko antolatu dituen gauzen artean dago ideia lehiaketa hau.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago