Ikerketa beka, emakumeak Elorrioko historian

Historia garaileek idazten dutela dio esaerak. Gizonezkoek idatzi izan dute orain arte, nagusiki gizonei buruz, eta emakumeak bazterturik geratu dira historia ofizialetik. Emakumeek bizitza publiko zein pribatuan egindako ekarpenak garrantzirik gabekotzat jo izan dira, garrantzirik ez aitortzean ez dira jaso eta horregatik esaten dugu isilaraziak izan zirela.

Gainera Historia ulertzeko modua aldatuz ari da, jada ez da data, guda edo errege-erreginen bizitza kontatzera mugatzen. Gizateriaren historia hori baino sakonagoa dela jabetu gara eta ondorioz historiografia egiteko modua ere aldatzen ari da. Egunotan gainera oroimena berreskuratzearen garrantziaz mintzo gara sarritan.

Ikerketa beka honen xedea hori da hain zuzen, gure herriko emakumeen historia ikertu eta ezagutzera ematea, emakumeek herriaren historiari, kultur bizitza, ekonomia, politika edo gizarte mailan egindako ekarpenak ezagutzera eman nahi ditugu, eta zor zaien aitortza eskaini.

PROPOSAMENAK AURKEZTEKO EPEA:urriaren 24a azken eguna

NON: Elorrioko udal erregistroan

BEKAREN ZENBATEKOA: 4.000 €

AURKEZTU BEHARREKOAK:

-Proiektu proposamena.
-Curriculuma, espediente akademikoa eta eskabide orria.
-Zergak egunera dituenaren egiaztagiria

INFORMAZIO GEHIAGORAKO
-Elorrioko udaleko web gunean: www.elorrio.net
-Udaleko Berdintasun sailera deituta: 94-658.27.12
-Bizkaiko aldizkari ofiziala: 188. zk