Irratia.com play teklari sakatzeko prest
Urriarekin jarriko dugu martxan irratia.com euskal irrati digitalaren emankizunen aro berria. Orain arte bezala, Bilbo Hiria irratiko estudioetatik emankizuna zuzenean eskaini eta Internet bidez mundu osoan entzun ahal izango da.
Badira zortzi urte euskarazko irrati emankizun digitalak egiten hasi ginenetik, eta oraindik gogotsu gaude Jabi Zabala eta Patxi Gaztelumendi . Teknikari lanetan eta diskoetako kantuak aukeratzen aldamenean dugu Ibon Burgoa laguna ere.
Irratigintza berriaren aroan, podcasting-a egiteko gogotsu. Sintonia jartzen den unetik gure twitter jarraitzaileak alboan ditugula jakinik, beraien eskaerak, iritziak, galderak eta erantzunak irakurri ohi ditugu saioan, zuzenean. Ohiko egitura izango du aurten ere. Saiatuko gara astero elkarrizketa ezberdin bat sartzen gutxienez, musika, kultura digitala, teknologia berriak, irratigintza...
Horrez gain Albisteak 2.0 atala mantentzen dugu eta saioaren bukaera aldera beti jarri ohi dugu musika librea.
Euskal Herriko zenbait irratitan
Dagoeneko jaso ditugu dei eta mezu batzuk Euskal Herriko irrati ezberdinetatik. Eta aurten ere, hainbat irratitan hedatuko dituzte gure copyleft eduki hauek.
- Info7 irratia
- Hala Bedi irratia
- Bilbo Hiria irratia
- Eguzki irratia
- Uhinak irratia
...eta zuen irrati librean ere, libre.
Beraz badakizue, irratia.com emankizuna Bilbo Hiria irratitik, asteazkenetan 13:00etan zuzenean (FM 96.0). Eta online gure www.irratia.com gunetik.
Erantzunak
Saioa egin, ordenadoretik pasa eta ftp bidez zerbitzarira igo dugu. Post bat idatzi eta hor dago podcast bezala sarean.
Entzun gura baduzu hor dago. Zure iritzia ere eskertuko genuke.
Zuzenean entzuteko (Irratia.com zein Bilbo Hiria edozein unetan) hemen dituzu aukerak.
VLC media jogailu noranahikoa baldin baduzu instalatuta, klikatu Winamp aukeretan, eta jaisten den fitxategia VLCrekin ireki.