Donostiako Zinemaldiko sarrerak Internet bidez erosteko
Donostiako Zinemaldia datorren ostegunean hasiko da (hilak 18), baina sarreren salmenta igande honetan (14an) hasiko da, goizeko 9.00etatik aurrera, baita Internet bidez ere. Sustatuk zinezale akreditatua izango du Zinemaldian berriz ere: Xabier Mendiguren Elizegi prolifikoa. Eguneraketa, larunbata: emanaldien ordutegia argitaratu da jada, hemen duzu programazioa.
Zinemaldiaren webgunean aurkituko duzu sail ofizialaren edo gainerakoen atalen filmen zerrendak (azalpen zehatzagoak PDFetan). Eguneraketa, larunbata: film horien emanaldien ordutegia argitaratu da jada, hemen duzu programazioa.
Sarrerak erosteko, igandeko 9.00etan irekiko dira lehiatilak Kursaal-ean.
Egun berean eta ordu beretik hasita egin ahal izango dira erosketa telematikoak:
- Servikutxa zerbitzuan, Kutxaren kutxazain automatiko aurreratuetan, komisiorik gabe.
- Telekutxa telefono zerbitzua, 943001200 telefonoan, sarrera bakoitzeko 0.60 euroko komisioarekin.
- Internet bidez, Zinemaldiko webgune ofizialean, edo Kutxaren bidez, bi kasuetan sarrera bakoitzeko 0.50 euroko komisioarekin.
Salmenta telematikoak ez du etenik izango irailaren 14ko 9.00etatik aurrera. Kursaaleko lehiatiletako ordutegirako, kontsultatu webguneko orri honetan, Non fitxan.
Telekutxa eta Internet zerbitzuen komisioak Kutxak kobratzen ditu. Suposatzen da bitartekaritza elektronikoak soldatak aurreratzeko balio duela, automatizatu egiten baitira lehen jendearen lana eta orduak eskatzen zituzten prozedurak, baina ez dirudi horrek Kutxari eragiten dionik. Benetan gehiago kostatzen da automatizazioaren ondoren?
Erantzunak
Emanaldiak dituzten Donostiako zine-aretoetan ere eros daitezke sarrerak, hemen azaltzen den bezala.
Programazioa kontsultatzen baduzu, ikur batzuek esango dizute non dauden sarrerak eskura oraindik.
Servikutxa zerbitzuko salmenta puntuak, Gipuzkoan zehar daude, bestalde.
/cache/Udako-Ola-2024_1_small_content.jpeg)
Kutxarena lapurreta bikoitza izan ohi da. Ez dakit zinemaldian horrela izango den baina GeneralTickets bidez erosten diren sarreretan komisioa kobratzen dio erosleari eta baita antolatzaileei ere, Internet bidez sarrera salmenta eskaintzeko urtean hainbesteko "kanona" kobratzen baitie.
Modan dago Internet bidez egiten diren erosketei komisioa jartzea, ALSA autobus konpainiak ere egiten zuen eta baita RENFEk ere. "Zure honerako" egiten dute txartel salmenta Internet bidez eta aurpegi guztiarekin "kudeaketa gastu" gisa saltzen dizute lapurreta, esteeeee komisioa.