Teknologia albisteak

XX. Rikardo Arregi Kazetaritza Sariak banatu dira

Erabiltzailearen aurpegia
Nekane Goikoetxea - Andoaingo Udala
2008-07-01 : 13:07

Ekainaren 30ean, larunbatarekin, Andoaingo Bastero Kulturgunean banatu ziren XX. Rikardo Arregi Kazetaritza Sariak. Sari nagusi Xabier Usabiaga txirrindulari-ohi eta kirol kazetariak eraman du Berrian, Euskadi Irratian eta Euskal Telebistan kaleratutako lanengatik.

XX. Rikardo Arregi Kazetaritza Saria epaitzeko Andoaingo Udalak izendaturiko epaimahaiak -Jose Antonio Pérez Gabarain mahaiburuak, Jose Inazio Basterretxea, Arantxa Urretabizkaia, Agustin Errotabehere, Aitor Zuberogoitia eta Alazne Aiestaranek, eta idazkari gisa eta, beraz, hizpidez baina hautespiderik gabe, Nekane Goikoetxeak- adostutako azken erabakia ezagutzera eman zuten.

Aurtengo sarituak honako hauek izan dira:

Kazetari Berria saria: 3000 euroz, agiriaz eta Xabier Laka eskultorearen sari-oroigarriaz hornitua, LANDER ARBELAITZ MITXELENA kazetariarentzat, Argia astekarian kaleratutako hiru erreportajerengatik.

Epaimahaiaren Sari berezia: 4000 euroz eta agiriaz hornitua, “ex aequo” BIZKAIA IRRATIA eta BIZKAIE! hedabideentzat 2007ko ekainetik 2008ko maiatzera egindako lanarengatik.

XX. RIKARDO ARREGI KAZETARITZA SARIA: hau da sari nagusia, 9000 euroz, agiriaz eta Xabier Laka eskultorearen sari-oroigarriaz hornitua, XABIER USABIAGA OIARZABAL kazetariarentzat Berrian, Euskadi Irratian eta Euskal Telebistan kaleratutako lanengatik.

Ohorezko Aipamena: Urrezko paparrikurraz eta agiriaz hornitua, JOSE MARI IRIONDO UNANUE kazetariarentzat, euskal kultura hedatzeko egindako lanarengatik.

Ekitaldian Epaimahaia, Andoaingo Alkate, Jose Antonio Perez Gabarain, eta Eusko Jaurlaritzako Kultura sailburu, Miren Azkarate izan ziren.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago