Teknologia albisteak
3

Borroka antiterrorista: Interneteko ohar mingarriengatik, Entzutegi Nazionalera

Erabiltzailearen aurpegia
Luistxo Fernadez - Eibar.org
2008-05-29 : 10:05

Vocento taldeko egunkariek gaur argitaratzen dutenez, Espainiako Barne ministerioak zaintzapean jarri du Internet. Borroka antiterroristaren parte da hau, artikuluetan irakurtzen denez. Eta zaintzen ari diren kontuen artean: "Bitkimen aldeko foroetan ohar mingarriak, oso adierazpen gogorrak, eta iruzkin mingarri errepikatuak". Edozer, alegia. Adibide gisa, Ordizian atzo atxilotutakoari leporatzen zaion kontuetako bat: "Bandera nazionalaren irudiak erretzen ageri zen ezker abertzalearen ekintzen argazkiak banatu izana."

Irakurtzekoa da Vocentoko egunkarietan argitaratutakoa.

Literalki, atal batzuk:

  • Según mandos de la lucha antiterrorista, durante los barridos por las webs se han encontrado centenares de comentarios que podrían constituir ilícitos penales, aunque hasta ahora sólo se están investigando los más sangrantes: notas ofensivas en foros de apoyo a las víctimas, manifestaciones de extrema dureza o comentarios vejatorios reiterativos.
  • X.R.T. había distribuido fotografías de actos de la izquierda abertzale en los que se quemaban imágenes de la enseña nacional.

Ikur nazional hori Espainiako bandera gorri-horia izango dela pentsatzen dut. Espainiako bandera erretzea delitu izateaz gain, erreketa horren irudiak banatzea ere bai? Hedabide guztietan argitaratu ziren irudi haiek, katalan batzuek banderak erre zituztenekoak. Baina adi, hori egin eta Ordiziakoa bazara, Entzutegi Nazionalera eramango zaituzte, Goardia Zibilen ziegetatik igaro ondoren.

Horrez gain, atzo Ordizian atxilotutako gizonari buruz ez dakigu izenik edo zehaztapenik. Inizialak eta adina, eta Ordiziako kale batean egin zutela atzo miaketa. Zer non esan duen edo ze irudi erakutsi dituen sarean, ez da inon argitaratu, nik ikusi dudanagatik behintzat.

Guardia Zibilak bere postontzi batean jasotakoetatik abiatu omen dira ikerketa hauek. Baina atxiloketetarako, Entzutegi Nazioanalaren fiskaltzarekin bat egin dute.

Sevillan atxilotu zuten beste pertsonari buruz, toki batzuetan bere izena eta historiala argitaratu da, baina zer esan edo egin duen duen non, ez. Pertsona hori bihar ostirala galdekatuko omen du Entzutegi Nazionalean Pablo Ruz epaileak. Ordiziakoa noiz joan den epailearengana ez dakigu, eta prentsan ez dut aurkitu ea inkomunikatuta dagoen ere.

Erantzunak

Sustatu
2008-05-29 : 14:03

Askatasunak jakinarazi duenez, pertsona honi, baina hiru egun barru eramango dute epailearen aurrera.


Sustatu
2008-05-30 : 10:19

Gaur goizean eramango dute atxilotua Ismael Moreno Entzutegi Nazionaleko epailearen aurrera.


Sustatu
2008-05-30 : 16:19

Epaileak aski utzi du, baina 15ean behin epaitegira joan beharko du sinatzera. Hemen informazioa


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago