Irrika.net: gazteentzako bideo-lehiaketa

UPV/EHUren ekimenez sortu den eta Elhuyar Fundazioak kudeatzen duen Irrika.net web guneak gazteentzako bideo-lehiaketa bat jarri du abian. Parte-hartzaileek Argi ibili eta burua erabili gaia oinarri duten bideoak landu eta igo beharko dituzte www.irrika.net web gunera. Gehienez hiru minutu iraungo dute bideo hauek eta maiatzaren 31 baino lehen zintzilikatu beharko dituzte parte-hartzaileek.

UPV/EHUko aditu talde batek erabakiko du zein den bideo hoberena eta bideo horren egileak ordenagailu ultraeramangarri bat jasoko du. Bestalde, erabiltzaileek ere gehien gustatu zaien bideoa bozkatu ahal izango dute, eta boto gehien eskuratzen dituen bideoaren egileak Elhuyar Fundazioaren UPV/EHUren produktu sorta bat jasoko du.

Lehiaketa honen oinarriak www.irrika.net web gunean daude ikusgai.