FANT: Zinemaren magia berreskuratu
Maiatzaren 8tik 16ra izango da FANT 2008 Bilboko Zinema Fantastikoaren Jaialdia. Atal Ofizialean, fantastiko eta beldurrezko zine modernoaren filmak lehiatuko dira FANT saria lortzeko.
Horrez gain, El orfanato filmeko soinu-banda konposatu zuen Fernando Velazquez bizkaitarrak FANTOBRIA Saria jasoko du.
Egungo laburmetraiaren gaurkotasuna egiaztatu eta iraganeko bitxiren bat berreskuratuko da FANTZ LABURREAN, eta ekitaldi honetan ere, berriz hurbilduko dira ZINEAREN POZOIA atalera.
Adrenalina gehitzen lagunduko diguten beste atal hauek FANT & ROCK, FANT LAB, FANT-aren MAISUAK ... dira
NONTZEFILM eta NONTZEFLASH-ek ere lan bera egingo dute fikziozko filmekin, baina, formatu txiki eta trinkoan.
Eta beste hainbat ekintza paralelo: master class Barrainkuan, doako emanaldiak, Ambiguko hitzorduak eta rock kontzertuak, besteak beste.
/cache/Udako-Ola-2024_1_small_content.jpeg)
Lars and the Real Girl (Lars eta benetako neska) filmak irabazi du Bilboko FANT XIV. Zinemaldi Fantastikoko sail ofizialeko sari nagusia.
Craig Gillespie australiarrak zuzendu zuen saritutako filma eta Ryan Gosling (Lars Lindstrom), Emily Mortimer (Karin Lindstrom), Paul Schneider (Gus Lindstrom)
, Kelli Garner (Margo) eta Patricia Clarkson (Dagmar) dira aktore nagusiak.
Gidoiaren egilea Nancy Oliver da . Filmak, gidoiak eta aktoreek lortutako beste sari eta nominazio askoren artean (NBR Award, Satellite Award, Critics Choice Award, ..) filmaren gidoia nominatua egon zen Oscar sarien 2008ko ekitaldian.
Lars lotsatiak eta Internet bidez erositako Bianca izeneko panpinak duten harremana, Lars-ek benetazkoa balitz tratatzen duena, da filmaren ardatza. Herriko sendagileak bultzaturik hasierako batean etxekoek eta ondorioz herri osoak, Larsen fantasia jarraitzea erabakiko dute ...