Teknologia albisteak

Udalmap, EAEko Udal Informazioko Sistema

Sustatu - Sustatu

2008-02-06 : 16:02

Ogasun eta Herri Administrazio Saileko Estatistika Organoak eta EUSTATek elkarrekin elkarlanean Udalmap aurkeztu dute. Helburua Udal Informazioko Sistema bat (UIS) eraikitzea da. Gainera Udal Informazioko Sistemaren emaitzak hedatzearen euskarri moduan diharduen GIS (Geografia Informazioko Sistemen) aplikazioa da Udalmap.

Udalmap informaziorako lurralde zerbitzu bat da, EAEko udalerrietan oinarri duena.

Haren helburua da Udal Informazioko Sistema bat (UIS) eraikitzea eta horrek zehazki eskatzen duena da sistematikoki "Jasangarritasun Adierazleen Panel" bat eta "Udal Ekipamenduen eta Azpiegituren Panel" bat lortzea.

Gaur egun Adierazleen Panelak 144 adierazle dauka 251 udalerrietako bakoitzerako, orain Udal Ekipamenduen eta Azpiegituren Panelak 41 ekipamendu maila daukan artean.

UDALMAP , halaber, Udal Informazioko Sistemaren emaitzak hedatzearen euskarri moduan diharduen GIS aplikazioa da eta Interneten dago.

Erantzunak

Luistxo Fernandez

2008-02-06 : 17:13

Euskal kartografia publikoa, behingoz, baliabide publiko batean ikusgai: kaleak, eraikinak, eta orto-fotografia, airetik ikusia.

Pantaila irudi batzuk atera ditut:

Lan egiten dudan lekua, airetik ikusia. 2005eko irudia da lanegun batean aterata (dauden autoengatik esan daiteke); Gipuzkoako Foru Aldundiaren b5m aplikazioan 2006ko berriagoa dago (jaiegunean ateratakoa).

Kartografia: Eibarko kaleak, izen zuzenekin, eta eraikinen perfilarekin. Bide bereziak ere markatuta (autopista, trenbidea...).

Datu estatistikoak kalkulatzean, berotasun mapak marrazten dira, udalerrien arabera. Kasu honetan, atzerritarren proportzioak udalerrietako biztanlerian.

Ondo. Orain datu publiko horiek API baten bidez edo bestela deskarga sistemaren batekin, denon erabilpen publikorako baleude, hainbat hobeto.