Microsoften eskaintza Yahoo erosteko

Ballmerren ikuspuntuan, bat egitea logikoa litzateke lau puntu hauengatik bereziki:

• Eskala-ekonomia. Bereziki, beraien sareko iragarki plataformak elkarlotzea aipatzen du. Bistan da, Googlek AdWords eta AdSense produktuekin duen nagusitasunari aurre egitea dela koxka.
• Ikerketa eta Garapenerako gaitasun handiagoa.
• Eragiketetan efizientzia. Azpiegitura errepikatuak kendu, eragiketa kostu bikoiztuak ezabatu... Yahooren lanpostu kaleratzeen ondoren, langileentzako berri on askorik ez honetan: are lanpostu gehiago egon daitezke soberan bat egitearen ondoren.
• Erabiltzaile esperientzia berriak. Eszenario berrietan (emerging), dela bideoa, zerbitzu bugikorrak, sareko merkataritza, hedabide sozialak, horietan batera eragiteko indar handiagoa.