Hau ez da www.sustatu.com
Ez. Hau sustatu.com da. Aldaketa txikia, baina garaia iritsi dela uste dugu.
Gaurtik aurrera Sustaturen helbidetik www. kendu dugu. Beti idatzi behar bada eta ez badu ezer aportatzen, zertarako eutsi www. horri?
Ba kendu egin dugu. Zergatik?
- Motzagoa da, azkarrago tekleatzen da eta hitzez azkarrago esaten da.
- Internet aurrera doan heinean, webgune gehienak ari dira www. hori albo batetara uzten. Gu ere bai.
.. eta Googleko loturak? eta gogokoen zerrendak? eta jario irakurgailuak?
Ez dugu uste arazorik izango denik, teknikoki konponduta baitago batak bestera bideratu dezan. Lasai, beraz. Hala ere, norbaitek arazoren bat aurkitzen badu, abisatuko digu mesedez?
Zalantza filosofikoa
Egia da, WWW edo World Wide Web Interneten zerbitzu bat besterik ez dela, eta dominio izena gauza askotarako erabili daitekeela. Horregatik batzuk ez dira www. kentzearen aldekoak. Baina une honetan WWWak duen nagusitasunarekin, uste dugu merezi duela.
Stay tuned!
Adi egon! hurrengo asteotan aldaketak datoz Sustatun. Eskerrik asko hor jarraitzeagatik.
Erantzunak
Bai, guk ere 301 batekin erantzuten dugu www-rekin eskaera eginez gero.
RSS-2.0 ez dago gure lehentasunen artean. Normalean ez gara blogek ematen duten datekin fidatzen. Baina nahiko azkar jarriko genuke interesik balego? Benetan behar da, Mikel?
Eta comic-sans-ena, ez da guregatik izango, ez?
Kaixo gari!
RSS-2.0 edo Atom erabiltzea behar beharrezkoa ez da, tira, hori gabe bizi naiteke. Baina lanean jario bidez jarraitzen ditut sustatuko berriak, liferea-1.4.x aplikazioa erabiliz. Tarteka eguneraketak ez dira ongi agertzen, ikus irudia:
http://img46.imageshack.us/my.php?image=sustatupz1.jpg
Hau konpontzeko interesgarria izango litzateke aurreko formatuetako bat erabiltzea, hasteko publikazio bakoitzaren data egokia jakiteko eta ez jarioaren sortze data eta ondoren ID eremuarekin errepikatuak agertzen diren berriak ager ez daitezen.
Adibidez G8n sustatu ez agertzearen arrazoia hauxe da (enizuen noizbait esan?!).
Eta lasai, comic sans-ena eztoa zuengatik, baino fronte komuna egin genezake ;)
Jopelas Mikel,
Lastima orain arte hau ez konpondu izana. Ez nekien behar hori zegoenik ere. Orain bai, orain RSS-2.0 ematen dugu.
Aurki.com-ekin ibili ginen daten kontuari begira, baina ez dugunez ziurtasunik data ongi jarrita dagoen ala ez, erabaki genuen spiderrak irakurketa egiten zuen ordu eta eguna jartzea, ze bestela nahiko nahaste izaten zen.
Orain listo dago. Besterik bada, abisatu!
Honekin lotuta eta Comic Sans-en aurkako kanpainarne tankeran:
http://no-www.org/index.php
Tira, aldaketa onerako dela argi dago. Jendeak konturatu behar du www jarri ala ez ez dela gauza bera. Nik hainbat proiektutan ezer jarri ezean www-ra 301 batekin erantzuten dut, nolabait orain arte webguneek www izan dutelako eta jendeak ez duelako beste modu batera ulertzen eta beste kasu batzuetan azpidomeinuekin ere "jolasten" dudalako eta horrela ezberdintzeko hobe ikusten dudalako.
Zuen kasuan alderantzizkoa da eta ulertzen det, azpidomeinurik erabili ezean nahasketarik sortuko ez delako eta SEOago eta 2.0ago ere badelako ;)
Aldaketa berriak diozuenean bihotzez espero dut RSS-2.0 edo Atom erabiltzera pasatzea, gehienbat jarioan datak ikusteko ;)
Ah, eta behin www kentzen hasita, comic sans munduko ordenagailu eta kartel guztietatik kentzea lortuko bazenute...