Euskaltube: kanal bereziak

Orain arte, jakingo duzuenez, Taldea sor zitekeen euskalTuberen baitan. Hori orain ere egin daiteke.

Baina beste berezitasun bat gehitu nahi izan dizkiogu euskalTuberi: Kanal bereziak.

Kanal bereziak elkarte, hedabide, erakunde, instituzio, bideosormen talde eta abarrentzako espreski sortuko diren txokoak dira. Finean, Kanalek taldeek dituzten aukera berdinak eskaintzen dituzte partehartzeari nahiz administrazioari dagokionean. Baina Kanalak Taldeetatik bereizten dituena, nagusiki, URL helbidea da. Mementuz berbidaraketa batekin egina dago, baina hobetzen joango gara aurrera egin ahala.

Irratia.com da euskalTube.com guneko lehenengo kanala. Izan ere, euskarazko lehen irrati digitaleko kideek 100. saioa ospatuko dute datorren astean eta, horretarako, talde bat osatu dute. Hemendik aurrera, Irratia.com-en euskalTubeko kanala helbide honetan aurkituko duzue www.euskaltube.com/irratiacom100.

Aurki, Kanal berriak sortuko dira euskalTuben. Kanalak orotarikoak izan daitezke, baita helburu komertzialekin sortutakoak ere. Baina akordio bidez sortzen dira, zuzenean administrazioarekin harremanetan jarriz. Adi egon, laster kanal gehiago sortuko dira eta...

Kanalak sortzeko baldintza batzuk bete behar dira. Ad hoc egin behar baitira aldaketa batzuk. Taldea sortzea, aldiz, librea da.

Bestalde, euskalTube.com gunean, azkenaldian zenbait hobekuntza egin ditugu, eta tresna berriak ere sortu dira.

Adibidez, Firefoxen tresna barran bilatzailea jar daiteke.

Gauza horien guztien berri euskalTube.com guneko blogean aurki daiteke.