Erreala krisian eta Gipuzkoako aurrekontuak
Une honetan krisi larrian dagoen Errealarentzat 3,3 miloi euro gorde dira aurtengo Gipuzkoako Foru Aldundiaren aurrekontu proiektuan Real Sociedad SAD-entzat. Konpromisu-Kredituen artean aurreikusten dira diru horiek. Eta Erreala desagertuko balitz?
Zubietan dituen instalakuntzentzat emango zaio diru hori Errealari, Futboleko Teknifikazio Zentroa finantziatzeko.
Kiroletako eta Kanpoko Ekintzako Departamentuaren Konpromisu-Kredituen artean (.pdf-a) sartu da 3,3 miloiko partida hau, Hirugarren Munduarekin Lankidetza Fondoarekin batera (4 miloi euro), Gipuzkoar Pertsonaiei buruzko bilduma egitearekin batera (120.000 mila euro) eta Turismoa Sustatzeko Toki Erakundeen Programentzako laguntzarekin batera (1,5 miloi euro).
Konpromisu-kreditua 4 urtetan banatzen da. 820.000 euro gorde dira 2008 urterako, 820.000 euro 2009rako eta beste 820.000 euro 2010erako.
Orain arte, instalakuntza publikoetan Deba Ibarreko Futbol Teknifikazio Zentroan 0,9 miloi euro inbertitu izan ditu Foru Aldundiak, Real Sociedad SAD-ari Zubietako instalakuntza pribatuentzat emango zaion 3,3 miloien herena. Errealari emango zaion diru horretatik aparte ez dirudi aurrikusten denik ezer beste Futboleko Teknifikazio Zentroentzat Gipuzkoan.
Erantzunak
tristeena da gipuzkoarren nahia islatzen duela, ziurrenik, kirol elkarte anonimo horri emandako laguntza horrek. alegia, gehiengo batek onesten duela Realari 3 milioi, garapenari 4 eta ez dakit zein bilduma egitearen 0,2 milioi ematearena. horrelakoxeak gara, txinatarrak gorabehera.
2005. urtean, Gipuzkoako Foru Aldundiak 6.000.000 euro eman zizkion Errealari. Formalki hura publizitate-patrozinio kontratua zela irudikatu nahi izan bazuten ere, argi asko adierazi zuen Kontu Publikoetako Euskal Epaitegiak subentzio hutsa izan zela, eta, ustezko kontraprestazioa gorabehera eta erabakitzeko jarraitutako bidea dela medio, legez kanpokoa zeharo.
Kluba txinoek nahiz beste edozeinek erosten baldin badu, dirua bueltatzeko eskatuko al zaio?