Appleberri.com: euskara hutsezko Appleren blog komunitario ez-ofiziala berritua

Duela urte bat, Appleberri.com webgunea sortu zuen Antton Peñak Apple munduan gertatzen diren berriez aritzeko. Blog pertsonal izatetik euskarazko Appleren blog komunitario ez-ofiziala izatera pasa zen handik gutxira eta orain bost MacErok kudatzen dute Appleberri. Guztiak euskaldunak eta gazteak.

Bide horretan aurrera egiteko, diseinu berria eta atal berriak estreinatu ditu Appleberrik. Webgunea osatzen duen atal nagusia albisteak dira, baina Appleberri ez da albistegi soil bat. Albistegi izateaz gain, eztabaida gune ere izatea nahi dugu. Edonori parte hartzeko aukera eman nahi diogu. Modu erraz batean informazioa elkartrukatu, osatu, zuzentzeko, eztabaidatzeko edo iritzia azaltzeko.

Diseinu aldaketa bi beharrek eragin dute, nagusiki: Edukiak kudeatzeko sistemaren aldateka (Joamlatik WordPress erabiltzera pasa da), eta bestetik; erabiltzaileei parte hartzeko aukera berria eskaintzea. Horretarako, atal berriak sortu, elementu grafikoak indartu, menuen antolamendua aldatu eta edukiak informazio osagarriz hornitu dira (irudiak eta bideoak gehien bat).

Appleberrik dituen atal berrien artean, bideokasta nabarmendu behar da. Produktuen azterketak egiteko bideoa erabiliko da. Horretaz gain, parte-hartzea bultzatu nahi da. Horretarako hiru modu daudelarik: sarreretan iruzkinak gehitzeko aukera, inkestetan parte hartzeko aukera eta zalantza gune edo foroa.