Erraustegia: idatziak telebistari aurre hartzen
Argia astekariaren webgunean erraustegiei buruz egin duten bideo/dokumental labur bat aurkitu dut. Hedabide idatzi izan direnek telebistari aurre hartu behar al diote?
Orain arte inork ez bezala, bideoan zehazki erakusten dute non jarri nahi duten planta eta inguruko bizilagunekin hitz egiteaz gain, jarrera ezberdinekin hitz egin dute, hala nola Ricardo Ortega eta Markel Olano.
Argia aldizkariaren webunean Zubietako errauste plantari buruzko dokumental laburra jarri dute. Orain arte hedabide idatzi izan direnek telebistari aurre hartu behar al diote telebistei horrelako lanak sarean jarriz?
Ea zuei zer iruditzen zaizuen, zer pentsatua eman dit niri.
Erantzunak
Eskerrik asko. Albiste hau berrikustean, Argiako azalean aurkitu dugu bideoa, baina ez zen hain erraza igartzen zein den helbide iraunkor edo permalinka.
Bestalde, hemen aipatzen den erraustegia Donostiako Zubietako erraustegia da.
Dudarik gabe, hori da kazetaritza berria.
Goitik behera aldatu da azken urteotan kazetaritza eredua, eta ez dago horri erantzun besterik. Egiten ez dutenak, atzean geratuko dira.
Tokian tokiko Hitza egunkariek ere ederki dakite hori.
Gaur, esaterako, begiratu besterik ez dago Urola Kostako HITZAren webgunea [ www.urola-kostakohitza.info ], Munduko Surf Txapelketak atzo Zarautzen eman zuena ikusteko [bideoak editatuta ere erakusten dizkigute azken hilabeteotan].
Edota, berdin, Goierriko HITZAren webgunea [ www.goierrikohitza.info ] gaur eguerdian Beasainen bota duen erauntsia ikusteko.
Gaurko bi adibide besterik ez dira...
Kaixo:
Hauxe da lotura zuzena.
Ondo etorriko zait bideo hori, nik ere honetaz idatzi bainuen atzo.