Paquito Chocolatero errekorraren bila Parisko Eskual Etxean
Ostiral honetan, irailak 7, arratsaldeko zazpietan munduko Paquito Chocolatero handiena egiteko lehen ahalegina antolatu du Parisko Eskual Etxeak Parisen. Guiness Errekorra hausteko beste sei ahalegin egingo dira Munduko Errugbi Txapelketak dirauen bitartean, urriaren 20 arte, alegia. Saiakera guztietara zuriz eta gorriz jantzita joateko eskatu dute.
Errugbiko Munduko Txapelketa ospatzen dela eta antolatu da Guiness errekorra hausteko saiakera hau. Aurrerago ere Paquito Lagunak elkarteak - Basoko Lagunak antolatu ditu horrelakoak Baionako jaietan 5.100 lagun, 1,7 kilometro.
Era berean, irailaren 7tik urriaren 20ra ospatuko den Txapelketa horretan laguntzeko boluntarioak eskatu ditu Gabriel PERI karrikan (93400 SAINT-OUEN) dagoen Eskual Etxeak.
Izatez Paquito Chocolatero Alacanten jaiotako Gustavo Pascual Falco musikoaren pasodoblea da, bere koinatu zen Paquito "El Chocolatero" (Francisco Perez Molina) inspirazio iturri hartuta. Valentziako Cocentaina herrian jotzeko idatzi zen pasodoblea, baina gaur egun izugarrizko arrakasta du hainbat lekutan, esate baterako, Baiona aldean.
Ipar Euskal Herriaren euskaltasuna zertan den... minoria isolatu bat, agian. Hasier Etxeberriak deskribatu zuen oso ondo duela ez asko bere blogean: Artikulu zorrotz eta triste bat
Bestalde, Parisko Euskal Etxearen webguneari erreparatuta, Rugby transmisioak, allez la france egiteko aukera. Horixe nabarmen. Eta Paquitoren kontu hau ere oso basque, euskal edo baskoa izango da: horra argazki bat Baionako festetatkoa.
Hegoaldea oro har, bastante espainola denik ere ezin uka. Donostia coshquero hori, adibidez.