Teknologia albisteak

Hizkuntza-teknologietan ikertzeko lan-eskaintza Elhuyar Fundazioan

Josu Aztiria Urtaran - Elhuyar Fundazioa

2007-06-29 : 13:06

Elhuyar Fundazioak hizkuntza-teknologietan ikertzeko lan-eskaintza egin du. Hizkuntza-teknologiak ikertzea eta garatzea da lanpostuaren xedea, etorkizun handiko proiektu batean.

Zenbait ikerketa-alorretan jardungo da ikertzailea: euskarazko galderei erantzuteko sistemak (Q&A); web dokumentu eleaniztunen ustiaketa automatikoa; hizkuntza arteko informazio-berreskurapena eta -erauzketa (CLIR).

Eskatzen dugu:

Ingeniaritzako goi-mailako titulua (informatika, telekomunikazioak...)
Ingelesez jakitea

Balioetsiko dugu:

Hizkuntza-teknologietan trebakuntza (doktoretza, gradu-ondoko ikastaroak...) eta/edo esperientzia izatea
Ikerketa eta garapeneko proiektuetan aritua izatea
Unix/Linux ingurunea ezagutzea eta hori erabiltzen eskarmentua izatea

Interesatuok, bidali curriculum vitaea helbide hauetako batera uztailaren 9a baino lehen, eta aipatu HZ01 erreferentzia:

Elhuyar Fundazioa. Zelai Haundi, 3. Osinalde industrialdea. 20170 Usurbil, edo elhuyar@elhuyar.com