Leo Messi ala Diego Maradona?

Barcelona FC - Getafe Espainiako Kopako partidan izan zen atzo Leo Messi argentinarraren gola. Dagoeneko 100.000 ikuskatze baino gehiago Youtuben, hainbat bertsioan.

• Leo Messiren gola arabierazko lokuzio interesgarriarekin. Eguneraketa: jada ez dago hor ezer.

Jolaus-ek abisatu digu, Messiren golaren bideo guztiak kendu dituztela YouTubetik Audiovisual Sport enpresa espainolaren egile eskubideak tarteko. Baina hemen da bideo bera:

• Messi gola sartzen, arabieraz komentaturik, Metacafe webgunean.

1986an izan zen beste gol miragarri bat baino hobea ote atzokoa? Ordukoa Mexikoko Munduko Futbol Txapelketan izan zen, Argentinak Ingalaterrari egin zion bigarrena, Diego Armando Maradonaren gol historikoa.

• Maradonaren gol historikoa Mexikon Victor Hugo Morales esatari argentinarraren lokuzio zoragarriarekin (gaztelaniazko azpitituluak barne)

Marca.es-eko inkestan ageri denez, boto-emaileek hobetzat jo dute Messirena (oraingoz 60/40 proportzioan). Golek antzekotasun handia dute, baina kontestua, duda barik, desberdina da, Espainiako Kopa ala Munduko Txapelketa, eta Getafe ere ez da Ingalaterrako selekzioa.

Bukatzeko, beste bat Youtuben, bi golak batera.