Gazte egonaldiak 07 Bernedon
Uda sasoirako proposamen berritzaile batekin datoz, aurreneko urtez, Gazte Egonaldiak 07. Euskal Herri guztira zabaldu den proposamen honek ikus-entzunezkoen mundua du oinarri. 12tik 17 urte arteko gazteak izango dira protagonista Bernedon burutuko diren egonaldietan. Ikastolen Elkarteak Hala Bedi irratiarekin lankidetzan sorturiko proiektua duzue.
Jakin badakigu, euskararen erabileran dugun arazoa zein den eta argi dago ezin dugula udan ere atsedenik hartu. Beraz, hizkuntza egonaldietan adin tarte bat betetzera gatoz, 12-17 urteko gazteena. Beren beregi, euskararen motibazioan eta erabileran eragingo duten egonaldiak izango dira aurtengoak.
Helburuak hobeto betetzeko, ikus-entzunezkoen mundua tresna bat izango dela uste dugu. Beraz, ikus-entzunezkoen arloaz era honetara gozatuko dute gazteek:
- Egonaldiotan film labur bat grabatuz.
- Gasteizko Hala Bedi irratian irratsaio bat grabatuko dute, gero aterpetxean irratiko uhinetatik entzuteko aukera izango dutena.
- Graffitiak egingo dituzte.
- Blogak egiten ikasi eta erabili.
- Eta ohiko ekintzak; mendi irteerak, eskalada, bizikleta irteerak...
Izena ematea aspaldian zabaldu zenez, azkar ibiltzeko kontua izango da berau. Egun hauetan Euskal Herriko txoko anitzetako ikasleek izena ematea da gure asmoa, ipar zein hego, ekialde zein mendebalde.
- txanda: uztailaren 8tik 15era (12,13, 14 urtekoentzat)
- txanda: uztailaren 15etik 22ra (15, 16, 17 urtekoentzat)
Egonaldiok iragartzeko bideoa sortu dugu, Youtuben ikusgai dagoena.
Erantzunak
Aupa guztioi!!
Ni ere Gazte Egonaldietara joango naiz, bertan elkar ikusiko dugu, Indarra!
Aurreko astean bideoa ikusi nuen, izugarri gustatu zitzaidan, baita oso erakargarria suertatu ere! Armentia ikastolako gazteak primerako antzezleak dira ee?? jajaja.
Oso ona iruditu zait Indarraren ideia. Behin entzun nuen Inaurkeim taldea eta nahiko musika ona egiten dutela uste dut, benetan. Horrelako proposamen orijinalen beharrean gaude!
Aupa.
Proposamena Arabatik egitea oso pozgarria izan da niretzat. Oso ideia ona da, kuriosoa.Askok pentsatu dute herrialde hau Castillatik hurbilago dagoela EHtik baino.
Hori horrela ez dela frogatzeko, Euskal Herriko gazte pilo bat bilduko ditugu Bernedon, euskaraz noski. Guk arabarrok!
Animatzen zaituztet, Ilargi eta Indar bezala bertan parte hartzera.
aupa armentiako aktore/aktoresak(?) !!! jajaja... ez nuen espero inork horrelakorik esango zidanik... eskerrik asko, benetan... jajaja... ha ze ezustekoa!!!
Zer? ... Ea nor naizen?? Bai... begira... bideoaren amaieran agertzen den neska mutil koadrila horretan 2 mutil besterik ez dira agertzen... ba... eskuinetik (eta aurretik) hasita bostgarrena naiz, eta eskuineti (atzetik) hasita bigarrena....
bueno.. berriro ere eskerrik asko eta bernedoko gazte egonaldietan oso ondo pasatzea opa dizuet... (nik jada lehenagotik plana eginda neukan eta ezin izango naiz joan... baina zihur oso ongi pasako duzuela!!!!)
ANIMO BERNEDOKO GAZTE EGONALDIAK!!!
Aupa danoi!!
Oso udaleku intersgarria iruditzen zait gazteentzat, ez bait da zentratzen ekintza batean soilik (euskara, ingelera...),gaur egun gazteei interezatzen zaien gai ugarietan baizik (mendia,irratia, abentura,euskara...)
Arabatik sortu den proiektu bat Eukal Herri osoko gazteak bertaratzea lortzen baldin badu, proiektu bikaina dela ikustarazten du eta Arabatik egin den sustapena ikaragarria izan dela esan nahi du.
Animo ba, eta hurrengo urteotan proiektua aurrera jarraitzea espero dugu,
Ni udalekuetara joango den ikasle bat nauzue. Bideoan ikusitako ikasleak ikastola hoberenean daude, GORA ARMENTIA IKASTOLA. Gazte Egonaldietara INAURKEIM taldea eramatea proposatzen dut, oso onak dira eta abeslaria oso wapoa da.